ഋഷികേശ്: ഉത്തരാഖണ്ഡില്‍ നരഭോജി പുള്ളിപ്പുലിയെ കെണിയില്‍ പെടുത്തി ജീവനോടെ കത്തിച്ചു. പോരി ജില്ലയിലെ സപ്ലോരിയിലാണ് സംഭവം.
അടുത്തിടെ ഒരു സ്ത്രീയെ പുള്ളിപ്പുലി കടിച്ചുകൊന്നിരുന്നു. ഇതിനെത്തുടര്‍ന്ന് ഗ്രാമീണര്‍ സംഘടിച്ച് പുള്ളിപ്പുലിക്കായി കെണിയൊരുക്കി. കെണിയില്‍ വീണ പുള്ളിപ്പുലിയെ ഇവര്‍ ജീവനോടെ കത്തിക്കുകയായിരുന്നു.
സംഭവത്തില്‍ നൂറ്റി അന്‍പതു പേര്‍ക്കെതിരെ കേസെടുത്തതായി വനംവകുപ്പ് അധികൃതര്‍ അറിയിച്ചു. വന്യജീവി സംരക്ഷണ നിയമത്തിലെ വിവിധ വകുപ്പുകള്‍ അനുസരിച്ചാണ് കേസ്.
വനംവകുപ്പ് ഉദ്യോഗസ്ഥരുടെ എതിര്‍പ്പു വകവയ്ക്കാതെയാണ് ഗ്രാമീണര്‍ പുള്ളിപ്പുലിയെ കത്തിച്ചതെന്ന് ഉന്നത ഉദ്യോഗസ്ഥര്‍ പറഞ്ഞു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ