ശ്രീനഗര്‍: ജമ്മു കശ്മീര്‍ അതിര്‍ത്തിയില്‍ വീണ്ടും ഡ്രോണ്‍ കണ്ടെത്തി. കഠ്‌വയ്ക്ക് സമീപമാണ് ഡ്രോണ്‍ കണ്ടെത്തിയത്. ഡ്രോണ്‍ പൊലീസ് വെടിവച്ചിട്ടു.
സംശയാസ്പദമായ സാഹചര്യത്തില്‍ ഇവിടെ നിന്ന് മൂന്ന് പൊതികളും പൊലീസ് കണ്ടെത്തിയിട്ടുണ്ട്. ബോംബ് സ്‌ക്വാഡും സ്ഥലത്തെത്തി പരിശോധന നടത്തി.
ഇന്ന് പുലര്‍ച്ചെയോടെ രാജ്യാന്തര അതിര്‍ത്തിക്ക് സമീപമാണ് ഡ്രോണ്‍ കണ്ടെത്തിയത്. സംശയാസ്പദമായ സാഹചര്യത്തില്‍ കണ്ടെത്തിയ പൊതികളില്‍ ലഹരി മരുന്നാണെന്ന് പൊലീസ് പറയുന്നു. സംഭവത്തില്‍ അന്തിമ സ്ഥിരീകരണം പൊലീസിന്റെ ഭാഗത്തു നിന്ന് ഉണ്ടായിട്ടില്ല.
നേരത്തെ പാകിസ്ഥാനില്‍ നിന്ന് വലിയ തോതില്‍ ആയുധം, ലഹരി കടത്തുകള്‍ക്കായി വലിയ തോതില്‍ ഡ്രോണ്‍ ഉപയോഗിക്കുന്നുണ്ട്. കഴിഞ്ഞ ദിവസം പൂഞ്ചില്‍ നിന്ന് ഡ്രോണ്‍ വഴി കടത്താന്‍ ശ്രമിച്ച ലഹരി മരുന്ന് പിടിച്ചെടുത്തിരുന്നു. 44 കിലോ ലഹരി മരുന്നാണ് സൈന്യവും പൊലീസും ചേര്‍ന്ന് പിടിച്ചെടുത്തത്.
ഈ വാർത്ത കൂടി വായിക്കാം
സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ