ഡെറാഡൂൺ: ഉത്തരാഖണ്ഡിൽ വാഹനം മലയിടുക്കിലേക്ക് മറിഞ്ഞ് 12 പേർ മരിച്ചു. ഉത്തരാഖണ്ഡിലെ ചമോലി ജില്ലയിലാണ് അപകടം. ചമോലിയിലെ ജോഷിമഠിൽ നിന്ന് കിമാനയിലേക്ക് പോകുകയായിരുന്ന ടാറ്റ സുമോ വാഹനമാണ് 500- 600 അടി താഴ്ചയുള്ള മലയിടുക്കിലേക്ക് മറിഞ്ഞത്. രണ്ട് സ്ത്രീകളും പത്ത് പുരുഷൻമാരുമാണ് മരിച്ചത്. സ്ഥലത്ത് രക്ഷാപ്രവർത്തനം തുടരുകയാണ്.
അമിത ഭാരമാണ് അപകടത്തിലേക്ക് നയിച്ചതെന്നാണ് പ്രാഥമിക നിഗമനം. ടാറ്റ സുമോയിൽ ഉൾക്കൊള്ളാൻ സാധിക്കാത്തത്ര ആളുകൾ വണ്ടിയിലുണ്ടായിരുന്നു. വാഹനത്തിന്റെ മുകൾ ഭാഗത്ത് വരെ ആളുകൾ ഇരിക്കുന്നുണ്ടായിരുന്നുവെന്ന് ദൃക്സാക്ഷികൾ പറയുന്നു. റോഡിൽ നിന്ന് നോക്കുമ്പോൾ വാഹനം കാണാത്ത അവസ്ഥയാണ്.
അപകടത്തിന്റെ തീവ്രതയും മലയിടുക്കിന്റെ ആഴവും വാഹനത്തിലുള്ള മുഴുവൻ പേരുടേയും മരണത്തിലേക്ക് നയിച്ചുവെന്നാണ് നിഗമനം. കഴിഞ്ഞ മൂന്ന് ദിവസത്തിനിടെ ഇത്തരത്തിൽ മൂന്നാമത്തെ അപകടമാണ് പ്രദേശത്ത് സംഭവിക്കുന്നത്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ