ലഖ്‌നൗ: ഉത്തര്‍പ്രദേശില്‍ ഇര തേടി മുതല വീട്ടില്‍ വന്നത് ഗ്രാമത്തില്‍ പരിഭ്രാന്തി പരത്തി. വീട്ടുകാര്‍ ഉറങ്ങുന്ന സമയത്താണ് എട്ടടി നീളമുള്ള മുതല ഇര തേടി വീട്ടില്‍ കയറിയത്. ആടുകളുടെ കരച്ചില്‍ കേട്ട് വീട്ടുകാര്‍ ഉണര്‍ന്ന് എഴുന്നേറ്റ് നോക്കുമ്പോഴാണ് മുതലയെ കണ്ടത്.
ഇറ്റാവയില്‍ കഴിഞ്ഞ ദിവസം രാത്രിയാണ് സംഭവം. ഹര്‍നം സിങ്ങിന്റെ വീട്ടിലാണ് മുതല കയറിയത്. ഉടന്‍ തന്നെ വീട്ടുകാര്‍ പൊലീസിനെ വിവരം അറിയിച്ചു. വന്യജീവി വിദഗ്ധന്റെ സഹായത്തോടെ രാവിലെയോടെ മുതലയെ പിടികൂടി വനംവകുപ്പിന് കൈമാറി.
മുതല എങ്ങനെ വീട്ടില്‍ കയറി എന്ന് മനസിലാകുന്നില്ലെന്ന് വീട്ടുകാര്‍ പറയുന്നു. അമ്മയാണ് മുതലയെ കണ്ട് ആദ്യം ഒച്ചവെച്ചത് എന്ന് ഹര്‍നം സിങ്ങ് പറയുന്നു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ