ദേശീയം

ഡല്‍ഹിക്ക് സമാനമായ സംഭവം നോയിഡയിലും, ബൈക്കില്‍ കാര്‍ ഇടിച്ചു; യുവാവിനെ 500 മീറ്റര്‍ വലിച്ചിഴച്ചു, ദാരുണാന്ത്യം

സമകാലിക മലയാളം ഡെസ്ക്

ലക്‌നൗ: ഡല്‍ഹി സംഭവത്തിന് സമാനമായ കേസ് ഉത്തര്‍പ്രദേശിലെ നോയിഡയിലും. ബൈക്കില്‍ കാര്‍ ഇടിച്ച് അരകിലോമീറ്റര്‍ ദൂരം വലിച്ചിഴച്ചതിനെ തുടര്‍ന്ന് ബൈക്ക് യാത്രക്കാരനായ ഡെലിവറി ഏജന്റ് മരിച്ചു. 

നോയിഡ സെക്ടര്‍ 14ല്‍ മേല്‍പ്പാലത്തിന് സമീപമാണ് അപകടം.പുതുവത്സര രാത്രിയില്‍ ഭക്ഷണം ഡെലിവറി ചെയ്യാന്‍ പുറത്തിറങ്ങിയ സമയത്താണ് അപകടം ഉണ്ടായത്. ഓണ്‍ലൈന്‍ ഫുഡ് ഡെലിവറി ആപ്പായ സ്വിഗ്ഗിയിലെ ജീവനക്കാരനായ കൗശല്‍ ആണ് മരിച്ചത്. 

കൗശല്‍ ഓടിച്ചിരുന്ന ബൈക്കില്‍ കാര്‍ ഇടിക്കുകയായിരുന്നു. കൗശലിനെ 500 മീറ്ററോളം ദൂരം വലിച്ചിഴച്ച ശേഷമാണ് കാര്‍ നിര്‍ത്തിയതെന്ന് ദൃക്‌സാക്ഷികള്‍ പറയുന്നു. സംഭവത്തിന് പിന്നാലെ കാര്‍ ഡ്രൈവര്‍ സ്ഥലത്ത് നിന്ന് കടന്നുകളഞ്ഞു.

ഞായറാഴ്ച പുലര്‍ച്ചെ ഒരുമണിക്ക് ഏറെനേരം കഴിഞ്ഞിട്ടും കാണാതെ വന്നതോടെ, കൗശലിനെ സഹോദരന്‍ അമിത് വിളിച്ചു. ഫോണ്‍ എടുത്ത വഴിയാത്രക്കാരനാണ് സംഭവം അറിയിച്ചത്. സഹോദരന്റെ പരാതിയില്‍ കേസെടുത്ത് പൊലീസ് അന്വേഷണം ആരംഭിച്ചു. ഡല്‍ഹിയില്‍ അഞ്ജലിയെ കാറില്‍ വലിച്ചിഴച്ച് കൊലപ്പെടുത്തിയ സംഭവം നടന്ന് മണിക്കൂറുകള്‍ക്കകമാണ് നോയിഡയിലും സമാനമായ സംഭവം നടന്നത്.

ഈ വാര്‍ത്ത കൂടി വായിക്കൂ 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

സംസ്ഥാനത്ത് അതിതീവ്രമഴയ്ക്ക് സാധ്യത; നാളെയും മറ്റന്നാളും മൂന്ന് ജില്ലകളില്‍ റെഡ് അലര്‍ട്ട്

രണ്ടാഴ്ച നിര്‍ണായകം, മഞ്ഞപ്പിത്തം മുതിര്‍ന്നവരില്‍ ഗുരുതരമാകാന്‍ സാധ്യതയേറെ: മന്ത്രി വീണാ ജോര്‍ജ്

സുധി അന്നയുടെ 'പൊയ്യാമൊഴി' കാനിൽ: പ്രദർശനം നാളെ

'ഒളിവിലിരുന്ന് സ്വയരക്ഷയ്ക്കു വേണ്ടി പ്രതി പറയുന്ന കാര്യങ്ങള്‍ അപമാനം'; അതിജീവിതയെ അപമാനിക്കുന്ന വിധം വാര്‍ത്തകള്‍ നല്‍കരുത്: വനിതാ കമ്മിഷന്‍

സ്വിം സ്യൂട്ടില്‍ മോഡലുകള്‍: ലോകത്തെ ഞെട്ടിച്ച് സൗദി