മുംബൈ: കാമുകനൊപ്പം സായാഹ്ന നടത്തത്തിന് ഇറങ്ങിയ പെണ്‍കുട്ടിയെ രണ്ടുപേര്‍ ചേര്‍ന്ന് പീഡിപ്പിച്ചതായി പരാതി. കാമുകനെ മരത്തില്‍ കെട്ടിയിട്ട ശേഷമായിരുന്നു ലൈംഗികാതിക്രമം എന്ന് പൊലീസ് പറയുന്നു. സംഭവത്തില്‍ രണ്ടു പ്രതികളെയും പൊലീസ് അറസ്റ്റ് ചെയ്തു.
മഹാരാഷ്ട്രയിലെ പാല്‍ഘര്‍ ജില്ലയില്‍ ബുധനാഴ്ചയാണ് സംഭവം. വൈകീട്ട് കുന്നിന്‍മുകളിലേക്ക് കാമുകനൊപ്പം നടക്കാന്‍ ഇറങ്ങിയപ്പോഴാണ് സംഭവം നടന്നത്. ഇരുവരെയും കണ്ട ഉടന്‍ തന്നെ പ്രതികള്‍ ഭീഷണിപ്പെടുത്തി. ഇതിനെ ചൊല്ലി കാമുകനുമായി വാക്കുതര്‍ക്കം ഉണ്ടായി. കുപിതരായ പ്രതികള്‍, ബിയര്‍ ബോട്ടില്‍ കൊണ്ട് കാമുകന്റെ തലയ്ക്ക് അടിച്ചു. തുടര്‍ന്ന് പെണ്‍കുട്ടിയുടെ ആണ്‍സുഹൃത്തിനെ വിവസ്ത്രനാക്കിയ ശേഷം മരത്തില്‍ കെട്ടിയിടുകയായിരുന്നു എന്ന് പൊലീസ് പറയുന്നു.
തുടര്‍ന്ന് പ്രതികള്‍ പെണ്‍കുട്ടിയെ വലിച്ചിഴച്ച് ഒറ്റപ്പെട്ട സ്ഥലത്തേയ്ക്ക് കൊണ്ടുപോയി പീഡിപ്പിക്കുകയായിരുന്നു എന്നാണ് പരാതിയില്‍ പറയുന്നത്. അതിനിടെ പെണ്‍കുട്ടി പ്രതികളുടെ കൈയില്‍ നിന്ന് രക്ഷപ്പെട്ട് പൊലീസിനെ വിവരം അറിയിക്കുകയായിരുന്നു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ