ബംഗാള്: തെരഞ്ഞെടുപ്പ് പ്രചാരണത്തിനിടെ യുവതിയുടെ കവിളില് ചുംബിച്ച ബിജെപി സ്ഥാനാര്ഥിക്കെതിരെ പ്രതിഷേധം ശക്തമാകുന്നു. പശ്ചിമ ബംഗാളിലെ മാള്ഡ ഉത്തര് മണ്ഡലത്തിലെ ബിജെപി സ്ഥാനാര്ഥിയായ ഖാഗന് മുര്മുവാണ് വിവാദത്തിലായിരിക്കുന്നത്. സ്ത്രീയെ ചുംബിക്കുന്ന ചിത്രങ്ങള് സോഷ്യല് മീഡിയയില് വൈറലാകുകയും ചെയ്തു. വിവാദമായതിനെത്തുടര്ന്ന് പോസ്റ്റ് പിന്വലിച്ചിരിക്കുകയാണ്.
പശ്ചിമ ബംഗാളിലെ ചഞ്ചലിലെ ശ്രീഹിപൂര് ഗ്രാമത്തില് കഴിഞ്ഞദിവസം തെരഞ്ഞെടുപ്പ് പ്രചാരണത്തിനെത്തിയപ്പോഴാണ് സംഭവം. പ്രചാരണത്തിന്റെ ലൈവ് വീഡിയോ സ്ഥാനാര്ഥിയുടെ ഫേസ്ബുക്ക് പേജില് അപ്ലോഡ് ചെയ്തിരുന്നു. ഇതോടെയാണ് സ്ഥാനാര്ഥി പുലിവാല് പിടിച്ചത്. പിന്നീട് ഈ വീഡിയോ ഫേസ്ബുക്ക് പേജില് നിന്ന് ഡിലീറ്റ് ചെയ്തു.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
തൃണമൂല് കോണ്ഗ്രസ് വിഷയം ഏറ്റെടുത്തു. ഗുസ്തിക്കാരെ ലൈംഗികമായി ഉപദ്രവിക്കുന്ന എംപിമാര് മുതല് ബംഗാളി സ്ത്രീകളെ കുറിച്ച് അശ്ലീല ഗാനങ്ങള് ആലപിക്കുന്ന നേതാക്കള് വരെ, ബി.ജെ.പി ക്യാമ്പില് സ്ത്രീ വിരുദ്ധ രാഷ്ട്രീയക്കാരുടെ ക്ഷാമമില്ലെന്നായിരുന്നു അവരുടെ ആരോപണം. ഇങ്ങനെയുള്ളവര് അധികാരത്തില് വന്നാല് എന്തൊക്കെ ചെയ്യുമെന്ന് സങ്കല്പിച്ചു നോക്കണമെന്നും തൃണമൂല് കോണ്ഗ്രസ് ആരോപിച്ചു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ