ബിജെപി സെല്ലിനെ അപകീര്‍ത്തിപ്പെടുത്തുന്ന വീഡിയോ റീട്വീറ്റ് ചെയ്തത് അബദ്ധത്തിലെന്ന് കെജ്‌രിവാള്‍
ന്യൂഡല്‍ഹി: ബിജെപി ഐടി സെല്ലിനെ അപകീര്‍ത്തിപ്പെടുത്തുന്ന വീഡിയോ ട്വിറ്ററില്‍ റീട്വീറ്റ് ചെയ്തത് അബദ്ധത്തിലാണെന്ന് ഡല്‍ഹി മുഖ്യമന്ത്രി അരവിന്ദ് കെജ്‌രിവാള്‍. സുപ്രീംകോടതിയിലാണ് കെജ്‌രിവാളിന്റെ വിശദീകരണം. കേസ് മാര്‍ച്ച് 11ന് സുപ്രീംകോടതി വീണ്ടും പരിഗണിക്കും.
2018ല്‍ യൂട്യൂബര്‍ ധ്രുവ് റാത്തീ ബിജെപി ഐടി സെല്ലിനെതിരെ ചെയ്ത വീഡിയോ ആണ് കെജ്‌രിവാള്‍ റീട്വീറ്റ് ചെയ്തത്. ബിജെപി പ്രവര്‍ത്തകന്‍ ഇതിനെതിരെ ക്രിമിനല്‍ അപകീര്‍ത്തി കേസ് ഫയല്‍ ചെയ്തിരുന്നു. കേസിലെ നടപടികള്‍ തടയണമെന്ന ആവശ്യം നേരത്തെ ഡല്‍ഹി ഹൈക്കോടതി തള്ളിയിരുന്നു.
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍
ഇതിനെതിരെയാണ് കെജ്‌രിവാള്‍ സുപ്രീംകോടതിയെ സമീപിക്കുകയായിരുന്നു. അപകീര്‍ത്തി കേസിലെ നടപടികള്‍ നിര്‍ത്തിവെക്കാന്‍ വിചാരണ കോടതിയോട് ജസ്റ്റിസുമാരായ സഞ്ജീവ് ഖന്ന, ദിപാങ്കര്‍ ദത്ത എന്നിവരടങ്ങിയ സുപ്രീംകോടതി ബെഞ്ച് നിര്‍ദേശിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ