ജങ്ക് ഫുഡ് കഴിച്ചതിന് അച്ഛന്‍ ശകാരിച്ചു; ബിരുദ വിദ്യാര്‍ഥിനി അടുക്കളയില്‍ തൂങ്ങിമരിച്ചു
മുംബൈ: ജങ്ക് ഫുഡ് കഴിച്ചതിന് അച്ഛന്‍ ശകാരിച്ചതിനെ തുടര്‍ന്ന് 19 വയസുകാരി ആത്മഹത്യ ചെയ്തു. ബിബിഎ വിദ്യാര്‍ഥി ഭൂമിക വിനോദ് ധന്വാനിയെയാണ് വീട്ടില്‍ ആത്മഹത്യ ചെയ്ത നിലയില്‍ കണ്ടെത്തിയത്. മഹാരാഷ്ട്രയിലെ നാഗ്പുര്‍ ജില്ലയിലാണ് സംഭവം.
വിദ്യാര്‍ഥിനിക്ക് തൈറോയ്ഡ് സംബന്ധമായ പ്രശ്‌നങ്ങളുണ്ടായിരുന്നു. പെണ്‍കുട്ടി ജങ്ക് ഫുഡ് കഴിച്ചതിന് അച്ഛന്‍ അവളെ ശകാരിച്ചിരുന്നു. ഇതില്‍ മനംനൊന്ത് വിദ്യാര്‍ഥിനി വീട്ടിലെ അടുക്കളയില്‍ തുങ്ങി മരിക്കുകയായിരുന്നെന്ന് പൊലീസ് പറഞ്ഞു.
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍
രാവിലെ വീട്ടുകാരാണ് വിദ്യാര്‍ഥിനിയെ തുങ്ങിയ നിലയില്‍ കണ്ടെത്തിയത്. ഉടന്‍ തന്നെ സമീപത്തെ ആശുപത്രിയിലെത്തിച്ചെങ്കിലും അപ്പോഴെക്കും മരണം സംഭവിച്ചിരുന്നു. അസ്വാഭാവിക മരണത്തിന് കേസ് എടുത്തതായി പൊലീസ് അറിയിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ