ന്യൂഡല്‍ഹി: രാജ്യത്തെ ഏറ്റവും വലിയ പൊതുമേഖല ബാങ്കായ എസ്ബിഐ വായ്പ പലിശ നിരക്ക് ഉയര്‍ത്തി. വായ്പ നിരക്ക് നിശ്ചയിക്കുന്നതിന് അടിസ്ഥാനമാക്കുന്ന മാര്‍ജിനല്‍ കോസ്റ്റ് ഓഫ് ലെന്റിങ്  നിരക്കില്‍ അഞ്ച് ബേസിസ് പോയിന്റിന്റെ വര്‍ധനയാണ് വരുത്തിയത്. ഇതോടെ ഭവന, വാഹന വായ്പയുടെ പ്രതിമാസ വായ്പ തിരിച്ചടവായ ഇഎംഐ ഉയരും. 

ഡിസംബര്‍ 10 മുതല്‍ പലിശ വര്‍ധന പ്രാബല്യത്തില്‍ വന്നു. എല്ലാ കാലാവധിയിലുമുളള വായ്പകള്‍ക്ക് പലിശ വര്‍ധന ബാധകമാണ്. ഇതോടെ മൂന്ന് വര്‍ഷം വരെ തിരിച്ചടവ് കാലാവധിയുണ്ടായിരുന്ന വായ്പയുടെ അടിസ്ഥാന പലിശ 8.70 ത്തില്‍ നിന്ന് 0.05 ശതമാനം ഉയര്‍ന്ന് 8.75 ശതമാനത്തിലെത്തി.