കൊല്ലം: നാടൻ മുളകിന് ചില്ലറ വിപണിയിൽ വില കുതിക്കുന്നു. നാടൻ മുളക് എന്നറിയപ്പെടുന്ന ഉണ്ട മുളകിന് ഒരു കിലോയ്ക്ക് 450 രൂപ വരെ വില എത്തി. തമിഴ്നാട്ടിൽ നിന്ന് എത്തുന്ന മുളകിനേക്കാൾ എരിവ് കൂടുതലായതിനാൽ നാടൻ മുളകിന് പ്രിയമേറെയാണ്. 

നേരത്തെ 50 രൂപയ്ക്ക് ഒരു കിലോ മുളക് കിട്ടിയിരുന്ന സ്ഥാനത്താണ് വൻ വിലയായത്. കൊല്ലം ജില്ലയിലെ പ്രധാന മാർക്കറ്റുകളിൽ ഒന്നായ കടയ്ക്കലിൽ ഉൾപ്പെടെ നാടൻ മുളക് എത്തുന്നുണ്ട്. 30 രൂപ നൽകിയാൽ അഞ്ചു മുളക് പോലും ചെറുകിട കച്ചവടക്കാരിൽ നിന്നു കിട്ടാത്ത അവസ്ഥയാണ് നിലനിൽക്കുന്നത്.