കാലിഫോര്‍ണിയ: ട്വിറ്റര്‍ സഹസ്ഥാപകന്റെ അക്കൗണ്ട് ഹാക്ക് ചെയ്തു. ചക്കിള്‍ സ്‌ക്വാഡ് എന്ന ഗ്രൂപ്പാണ് ട്വിറ്റര്‍ സിഇഒ ആയ ജാക് ഡോര്‍സിയുടെ അക്കൗണ്ട് ഹാക്ക് ചെയ്തത്. ട്വിറ്റര്‍ തന്നെ ഇക്കാര്യം ഔദ്യോഗികമായി സ്ഥിരീകരിച്ചു.
ഡോര്‍സിയുടെ അക്കൗണ്ട് ഹാക്ക് ചെയ്തതിന് ശേഷം ഹാക്കര്‍മാര്‍ വംശീയ അധിക്ഷേപങ്ങള്‍ ഈ അക്കൗണ്ടില്‍ നിന്നും ട്വീറ്റ് ചെയ്യുകയായിരുന്നു. വെള്ളിയാഴ്ച വൈകുന്നേരമാണ് സംഭവം. 15 മിനിറ്റോളം ഈ ട്വീറ്റുകള്‍ ഡോര്‍സിയുടെ അക്കൗണ്ടില്‍ കിടന്നു.
ട്വിറ്റര്‍ ആസ്ഥാനത്ത് ബോംബ് വെച്ചിരിക്കുന്നു എന്ന ട്വീറ്റും ഡോര്‍സിയുടെ അക്കൗണ്ടില്‍ നിന്നുമുണ്ടായി. നാല് ദശലക്ഷത്തോളം ഫോളോവേഴ്‌സാണ് ഡോര്‍സിക്കുള്ളത്. എന്നാല്‍, മിനിറ്റുകള്‍ക്കുള്ളില്‍ തന്നെ ഈ അക്കൗണ്ട് വീണ്ടെടുത്തതായി ട്വിറ്റര്‍ വ്യക്തമാക്കി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ