തിരുവനന്തപുരം: സംസ്ഥാനത്ത് പെട്രോള്‍ വില ഈ വര്‍ഷത്തെ ഏറ്റവും ഉയര്‍ന്ന നിലയില്‍.ഒരു മാസത്തിനിടെ രണ്ടുരൂപയുടെ വര്‍ധയാണ് ഉണ്ടായത്.കഴിഞ്ഞ പത്തുദിവസത്തിനിടെ മാത്രം ഒരു രൂപയോളമാണ് വില ഉയര്‍ന്നത്. അതേസമയം ഡീസല്‍ വിലയില്‍ കാര്യമായ മാറ്റമില്ല.

തിരുവനന്തപുരത്ത് ഒരു ലിറ്റര്‍ പെട്രോളിന് 78 രൂപ 39 പൈസയായാണ് വില ഉയര്‍ന്നത്. എട്ടു പൈസയുടെ വര്‍ധനയാണ് ഇന്ന് രേഖപ്പെടുത്തിയത്. പത്തുദിവസം മുന്‍പ് 77 രൂപ 48 പൈസയായിരുന്നു പെട്രോള്‍ വില. ഒരു ലിറ്റര്‍ ഡീസലിന് 70 രൂപ 81 പൈസ നല്‍കണം.

77 രൂപ രണ്ടുപൈസയാണ് കൊച്ചിയിലെ ഇന്നത്തെ പെട്രോള്‍ വില. പത്തുദിവസം മുന്‍പ് ഇത് 76 രൂപ 12 പൈസയായിരുന്നു. ഡീസലിന് 69 രൂപ 47 പൈസ നല്‍കണം.