കൊച്ചി: സംസ്ഥാനത്ത് പെട്രോള്‍ വിലയില്‍ തുടര്‍ച്ചയായ മൂന്നാം ദിവസവും വര്‍ധന. മൂന്നു ദിവസം കൊണ്ട് 48 പൈസയുടെ വര്‍ധനയാണ് വിലയില്‍ ഉണ്ടായത്. ഡീസല്‍ വിലയില്‍ നാലു ദിവസമായി മാറ്റമില്ല.

കൊച്ചിയില്‍ ഒരു ലിറ്റര്‍ പെട്രോളിന് 14 പൈസയാണ് ശനിയാഴ്ച വര്‍ധിച്ചത്. വെള്ളിയാഴ്ച 18 പൈസയും വ്യാഴാഴ്ച 16 പൈസയും വര്‍ധിച്ചിരുന്നു. 75.84 രൂപയാണ് കൊച്ചിയിലെ പെട്രോള്‍ വില. തിരുവനനന്തപുരത്ത് ഒരു ലിറ്റര്‍ പെട്രോളിന് 77.19 രൂപ നല്‍കണം.

മൂന്നു ദിവസമായി രാജ്യത്ത് ഉടനീളം പെട്രോള്‍ വിലയില്‍ വര്‍ധനയുണ്ടായിട്ടുണ്ട്. ഡല്‍ഹി, കൊല്‍ക്കത്ത, മുംബൈ എന്നിവിടങ്ങളില്‍ പതിനാലു പൈസയും ചെന്നൈയില്‍ പതിനഞ്ചു പൈസയുമാണ് ഇന്നു വര്‍ധിച്ചത്. ചെന്നൈയില്‍ മൂന്നു ദിവസം കൊണ്ട് അന്‍പതു പൈസയാണ് കൂടിയത്.