പനജി: സാമ്പത്തിക മാന്ദ്യം നേരിടുന്നതിനുള്ള നടപടികളുടെ ഭാഗമായി ഇന്ത്യന് കമ്പനികള്ക്കായി പുതിയ ഇളവുകള് പ്രഖ്യാപിച്ച് കേന്ദ്ര സര്ക്കാര്. ആഭ്യന്തര കമ്പനികള്ക്കും പുതിയ പ്രാദേശിക ഉത്പാദക കമ്പനികള്ക്കും കോര്പറേറ്റ് നികുതിയില് ഇളവു നല്കുമെന്ന് ധനമന്ത്രി നിര്മല സീതാരാമന് അറിയിച്ചു.
ജി എസ് ടി കൗണ്സില് യോഗത്തിനു മുന്നോടിയായി നടത്തിയ വാര്ത്താസമ്മേളനത്തിലാണ് മന്ത്രി ഇക്കാര്യം പ്രഖ്യാപിച്ചത്. 2019 ജൂലൈ അഞ്ചിനു മുമ്പ് ഷെയര് ബൈബാക്ക് നടത്തിയിട്ടുള്ള ലിസ്റ്റഡ് കമ്പനികള്ക്ക് തിരികെ വാങ്ങുന്ന ഓഹരികള്ക്ക് നികുതി നല്കേണ്ടതില്ലെന്ന് ധനമന്ത്രി പ്രഖ്യാപിച്ചു.
സാമ്പത്തിക വളര്ച്ച പ്രോത്സാഹിപ്പിക്കുന്നതിന് ആദായനികുതി നിയമത്തില് 2019-20 സാമ്പത്തികവര്ഷം മുതല് പുതിയ വ്യവസ്ഥ ഉള്പ്പെടുത്തിയിട്ടുണ്ട്. ഇതിന് പ്രകാരം മറ്റ് ആനുകൂല്യങ്ങളോ ഇളവുകളോ സ്വീകരിക്കാത്ത ആഭ്യന്തര കമ്പനികള്ക്ക് 22ശതമാനം നിരക്കില് നികുതി അടച്ചാല് മതിയാകുമെന്ന് മന്ത്രി പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ