കൊച്ചി : തുടര്‍ച്ചയായ 21-ാം ദിവസവും ഇന്ധന വില വര്‍ധിപ്പിച്ചു. പെട്രോള്‍ ലിറ്ററിന് 25 പൈസയും ഡീസലിന് 20 പൈസയുമാണ് കൂടിയത്. 21 ദിവസം കൊണ്ട് ഡീസലിന് 10.45 രൂപയാണ് ഉയര്‍ന്നത്. പെട്രോളിന് 9.17 രൂപയുടെ വര്‍ധനയാണ് രേഖപ്പെടുത്തിയത്.

തിരുവനന്തപുരത്ത് ഒരു ലിറ്റര്‍ പെട്രോളിന് 82 രൂപ 10 പൈസയായി. ഡീസലിന് 77.58 പൈസയായും ഉയര്‍ന്നു. കൊച്ചിയില്‍ പെട്രോള്‍ വില 80.32 ആയി ഉയര്‍ന്നു.

രാജ്യതലസ്ഥാനമായ ഡല്‍ഹിയില്‍ പെട്രോള്‍ വില 80 രൂപ 38 പൈസയാണ്. ഡീസല്‍ വില പെട്രോളിന് മുകളിലാണ്. 80 രൂപ 40 പൈസയും. ഇടക്കാലത്തിന് ശേഷം ജൂണ്‍ ഏഴു മുതലാണ് എണ്ണക്കമ്പനികള്‍ പ്രതിദിന വിലനിര്‍ണയം പുനരാരാംഭിച്ചത്.