കൊച്ചി: ഒരു ദിവസത്തെ ഇടിവിനു ശേഷം സ്വര്‍ണ വില വീണ്ടും മുകളിലേക്ക്. ഇന്നലെ 80 രൂപ ഉയര്‍ന്ന വില ഇന്നു 120 രൂപ വര്‍ധിച്ചു. 31,240 രൂപയാണ് ഒരു പവന്‍ സ്വര്‍ണത്തിന്റെ വില. ഗ്രാമിന് 15 രൂപ ഉയര്‍ന്ന് 39,05 ആയി.

കഴിഞ്ഞദിവസം ഒറ്റയടിക്ക് പവന് 600 രൂപയുടെ കുറവാണ് സ്വര്‍ണവിലയില്‍ രേഖപ്പെടുത്തിയത്. 32,000 രൂപ മറികടന്ന് സ്വര്‍ണവില കുതിക്കും എന്ന് തോന്നിപ്പിച്ച ഘട്ടത്തില്‍ ശനിയാഴ്ചയാണ് സ്വര്‍ണവിലയില്‍ ഒരു തിരുത്തല്‍ ഉണ്ടായത്. ഞായറാഴ്ച വിലയില്‍ മാറ്റമില്ലാതെ തുടര്‍ന്നു. 

ലോകം ഒന്നടങ്കം കൊറോണ വൈറസ് ഭീതിയിലാണ്. ഇതോടെ സുരക്ഷിത നിക്ഷേപമെന്ന എന്ന നിലയിലാണ് സ്വര്‍ണത്തിലേക്ക് കൂടുതല്‍ പേരെ ആകര്‍ഷിക്കുന്നത്. വരും ദിവസങ്ങളിലും സ്വര്‍ണ വില ഉയരുമെന്നാണ്് റിപ്പോര്‍ട്ടുകള്‍.