കൊച്ചി: തുടര്‍ച്ചയായ നാലു ദിവസം ഇടിവു നേരിട്ട സ്വര്‍ണ വിലയില്‍ വര്‍ധന. പവന് 160 രൂപയാണ് ഇന്നു വര്‍ധിച്ചത്. 37,680 രൂപയാണ് ഇന്നത്തെ സ്വര്‍ണ വില. ഗ്രാമിന് ഇരുപതു രൂപ വര്‍ധിച്ച് 4710 രൂപയായി.

നാലു ദിവസം തുടര്‍ച്ചയായി ഇടിഞ്ഞ സ്വര്‍ണവില ഇന്നലെ ഈ മാസത്തെ ഏറ്റവും താഴ്ന്ന നിലയില്‍ എത്തിയിരുന്നു. ഇന്നലെ 80 രൂപ കുറഞ്ഞ് പവന്‍ സ്വര്‍ണത്തിന്റെ വില 37,520 രൂപയായി. മൂന്നുദിവസത്തിനിടെ ഒരു പവന്‍ സ്വര്‍ണത്തിന്റെ വിലയില്‍ 640 രൂപയുടെ കുറവാണ് രേഖപ്പെടുത്തിയത്.

നവംബര്‍ 9ന് 38,880 രൂപയില്‍ എത്തി സ്വര്‍ണവില ഈ മാസത്തെ ഏറ്റവും ഉയര്‍ന്ന നിലവാരത്തില്‍ എത്തിയിരുന്നു. തുടര്‍ന്നുള്ള ദിവസം ഏറ്റവും ഉയര്‍ന്ന തലത്തിലുള്ള ഇടിവാണ് സ്വര്‍ണവിലയില്‍ ഉണ്ടായത്.