റോഡിലൂടെ പോകുന്ന കാര്‍ ഒരു കെട്ടിടത്തിന്റെ രണ്ടാം നിലയിലേക്ക് ഇടിച്ച് കയറുമോ? ഇല്ല എന്നുള്ള നിങ്ങളുടെ മറുപടി മാറ്റാന്‍ സമയമാക്കിയിരിക്കുകയാണ്. കാരണം ദക്ഷിണ കാലിഫോര്‍ണിയയില്‍ റോഡിലൂടെ പോയ കാര്‍ ഇടിച്ചു കയറിയത് കെട്ടിടത്തിന്റെ രണ്ടാം നിലയിലേക്കാണ്. സെന്റര്‍ ഡിവൈഡറില്‍ ഇടിച്ച് കാര്‍ പറന്നു വന്ന് കെട്ടടത്തിന്റെ രണ്ടാം നിലയിലേക്ക് കയറുകയായിരുന്നു.
ഡെന്റിസ്റ്റിന്റെ ഓഫീസിലേക്ക് ഇടിച്ച് കയറി നില്‍ക്കുന്ന കാറിന്റെ ചിത്രം ഇതിനോടകം സോഷ്യല്‍ മീഡിയയില്‍ ചര്‍ച്ചയായിരിക്കുകയാണ്. അമിത വേഗത്തില്‍ പോക്കറ്റ് റോഡില്‍ നിന്ന് കയറിവന്ന വാഹനം മീഡിയനില്‍ അടിച്ച് ഉയര്‍ന്നു പൊന്തുകയായിരുന്നെന്ന് അഗ്നിസുരക്ഷാ ഉദ്യോഗസ്ഥര്‍ വ്യക്തമാക്കി. രണ്ടുപേരാണ് കാറില്‍ ഉണ്ടായിരുന്നത്.
ഇതില്‍ ഒരാള്‍ പുറത്തേക്കിറങ്ങാന്‍ സാധിച്ചു. എന്നാല്‍ കാറില്‍ കുടുങ്ങിപ്പോയ രണ്ടാമത്തെ ആളെ ഒരു മണിക്കറോളം പരിശ്രമിച്ചാണ് പുറത്തെടുത്തത്. കെട്ടിടത്തിന്റെ രണ്ടാം നിലയില്‍ കുടുങ്ങിപ്പോയ കാറിനെ ക്രെയില്‍ ഉപയോഗിച്ചാണ് പുറത്തെടുത്തത്. കെട്ടിടത്തിന് വളരെ കുറച്ച് കേടുപാടുകള്‍ മാത്രമാണ് സംഭവിച്ചിരിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ