തന്റെ മിനിട്രക്കിനെ ഡാഷ് ബോര്‍ഡില്‍ ഒരു പാമ്പ് കയറിയെന്ന് പറഞ്ഞാണ് പൊലീസിന് ഒരാളുടെ വിളിയെത്തുന്നത്. എന്നാല്‍ പാമ്പിനെ പുറത്തെടുത്ത പൊലീസ് ഉള്‍പ്പെടെ എല്ലാവരും ഞെട്ടി, ഒളിച്ചിരുന്നത് 9 അടി നീളമുള്ള ഒരു രാജവെമ്പാല. ചൈനയിലെ യുനാന്‍ പ്രവിശ്യയിലാണ് സംഭവം.
4.1 കിലോ ഭാരമുള്ള പാമ്പിനെ പുറത്തെടുക്കാന്‍ ഒടുവില്‍ പ്രത്യേക പരിശീലനം സിദ്ധിച്ച പൊലീസുകാര്‍ തന്നെ വരേണ്ടിവന്നു. പാമ്പിനെ പിടിക്കാനുള്ള ഉപകരണങ്ങളുടെ സഹായത്തോടെയാണ് ഒടുവില്‍ രാജവെമ്പാലയെ കീഴടക്കിയത്. പിന്നീട് ഇതിനെ പ്രാദേശിക വന്യജീവി സംരക്ഷണ വകുപ്പിന് കൈമാറി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ