ജീവിതത്തില്‍ ഏറ്റവുമധികം പശ്ചാത്തപിക്കുന്നത് വിവാഹം ചെയ്യാന്‍ എടുത്ത തീരുമാനത്തെ ഓര്‍ത്താണെന്ന് മുന്‍ നൈജീരിയന്‍ ബ്യൂട്ടി ക്വീനും മോഡലുമായ ഡെബോട്ട ലോസണ്‍. തന്റെ ജീവിതത്തില്‍ സംഭവിച്ച എല്ലാ കാര്യത്തിലും താന്‍ സന്തോഷവതിയല്ലെന്നും ജീവിതത്തില്‍ ചില നല്ല തീരുമാനങ്ങള്‍ എടുക്കേണ്ടിയിരുന്നെന്നും തന്റെ ഇന്‍സ്റ്റഗ്രാം പേജില്‍ ഡെബോട്ട കുറിച്ചു. 2014ല്‍ വിവാഹിതയാകാന്‍ എടുത്ത തീരുമാനം ഉള്‍പ്പെടെയാണ് തെറ്റായ തീരുമാനമായി കുറിപ്പില്‍ ഡെബോട്ട പറയുന്നത്.
ജീവിതത്തില്‍ തീരുമാനങ്ങള്‍ എടുക്കുമ്പോള്‍ സൂക്ഷിക്കണമെന്ന് ആരാധകരെ ഓര്‍മ്മിപ്പിച്ചുകൊണ്ടാണ് അവര്‍ കുറിപ്പെഴുതിയത്. 2014ലായിരുന്നു സണ്ണി അക്കു എന്ന കോടീശ്വരനായ ബിസിനസ്സുകാരനും ഡെബോട്ടയും വിവാഹിതരായത്. രണ്ടു വര്‍ഷത്തിനുശേഷം 2016ല്‍ ഇവര്‍ വേര്‍പിരിയുകയായിരുന്നു. താന്‍ ജീവിതത്തില്‍ ചെയ്ത ഒരേയൊരു ശരി തന്റെ മകളാണെന്നും 25 വര്‍ഷത്തെ ജീവിതത്തില്‍ അതുമാത്രമാണ് ശരിയായി എടുത്ത തീരുമാനമെന്നാണ് തോന്നുന്നതെന്നും ഡെബോട്ട ഇന്‍സ്റ്റഗ്രാമില്‍ കുറിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ