അപകടത്തില്‍ അത്ഭുതകരമായി രക്ഷപ്പെട്ടാല്‍ തലനാരിഴയ്ക്ക് രക്ഷപ്പെട്ടു എന്ന് പതിവായി പറയുന്ന കാര്യമാണ്. അത്തരത്തില്‍ വാഹനാപകടത്തില്‍ നിന്നും രക്ഷപ്പെടുന്ന ഒരു സ്‌കൂട്ടര്‍ യാത്രികന്റെ വീഡിയോയാണ് ഇപ്പോള്‍ സോഷ്യല്‍ മീഡിയയില്‍ വൈറലാകുന്നത്.
തായ്‌ലന്‍ഡില്‍ കഴിഞ്ഞ മാസം അവസാനം നടന്ന അപകടത്തിന്റെ വിഡിയോയാണ് പ്രചരിക്കുന്നത്.40 അടി നീളമുള്ള കണ്ടെയ്‌നര്‍ ലോറി റോഡിലേക്ക് മറിയുകയായിരുന്നു. ഫ്‌ലൈ ഓവറിലെ ചെറിയ വളവ് വളയ്ക്കാന്‍ ശ്രമിച്ചപ്പോഴാണ് അപകടമുണ്ടായത്. ആ സമയത്ത് സൈഡിലൂടെ പോകുന്ന ബൈക്ക് യാത്രികന്‍ അത്ഭുതകരമായി രക്ഷപ്പെടുന്നതാണ് ദൃശ്യങ്ങളില്‍ കാണുന്നത്. നിയന്ത്രണവിട്ട് മറിഞ്ഞ കണ്ടെയ്‌നര്‍ ലോറിയുടെ അടിയില്‍പ്പെടാതെ ബൈക്ക് യാത്രികന്‍ രക്ഷപ്പെടുന്നത് ഭാഗ്യം കൊണ്ടുമാത്രമാണ്.
ലോറിയ്ക്ക് പിന്നിലൂടെ സഞ്ചരിച്ച മറ്റൊരു വാഹനത്തിന്റെ ഡാഷ് ബോര്‍ഡ് ക്യാമറയിലാണ് ഈ ഞെട്ടിക്കുന്ന ദൃശ്യങ്ങള്‍ പതിഞ്ഞത്. ലോറിയുടെ വേഗം കൂടിയതാകാം അപകടകാരണം. അപകടത്തില്‍ ലോറിയുടെ െ്രെഡവര്‍ക്ക് പരിക്കുപറ്റിയോ എന്ന കാര്യം വ്യക്തമല്ല.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ