ഭോപ്പാല്‍: കയറില്‍ അഭ്യാസം നടത്തുന്നത് സര്‍ക്കസില്‍ കണ്ടിട്ടുണ്ട്. എന്നാല്‍ ജീവിതത്തില്‍ സര്‍ക്കസ് കളിക്കേണ്ട ദുരവസ്ഥയുടെ കഥയാണ് മധ്യപ്രദേശിലെ ദേവാസിലെ ഗ്രാമവാസികള്‍ക്ക് പറയാനുളളത്.ഞാണിന്മേല്‍ കളി എന്ന് പറയാവുന്ന വിധത്തില്‍ കയറില്‍ കാല്‍ചവിട്ടി , മുകളിലത്തെ കയറില്‍ കൈപിടിച്ച് രണ്ട് സ്ത്രീകള്‍ പുഴ കടക്കുന്ന ദൃശ്യങ്ങളാണ് സോഷ്യല്‍മീഡിയ ഇപ്പോള്‍ ഏറ്റെടുത്തിരിക്കുന്നത്.
അപകടകരമായ രീതിയിലാണ് ഇവര്‍ പുഴ കടക്കുന്നത്. കൈയില്‍ കുടിക്കാനുളള വെളളവുമായാണ് ഒരു സ്ത്രീ പുഴ കടക്കുന്നത്. മറ്റൊരു സ്ത്രീയുടെ പുറത്ത് ഒരു കൊച്ചുകുട്ടിയും ഉണ്ട്. സര്‍ക്കസിലെ പോലെ ബാലന്‍സ് ചെയ്താണ് ഇവര്‍ പുഴ കടന്ന് അവരുടെ ഗ്രാമത്തിലേക്ക് പോകുന്നത്. മറ്റു വഴികളില്ലാത്തതുമൂലം ഇത് ഇവര്‍ക്ക് ഇപ്പോള്‍ ശീലമായിരിക്കുകയാണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ