വാഹനങ്ങള്‍ അതിവേഗം കുതിച്ച് പോകുന്ന ഹൈവേയിലൂടെ വീല്‍ ചെയറില്‍ ചീറി പാഞ്ഞ് ഒരു മനുഷ്യന്‍. ഇത് സിനിമയിലെ ഒരു രംഗമല്ല. അപടകരമായ അതിസാഹസിക യാത്ര നടന്നത് ദക്ഷിണാഫ്രിക്കയിലാണ്.
അതിവേഗം പോകുന്ന ഒരു ട്രക്കില്‍ പിടിച്ചാണ് വീൽ ചെയർ യാത്രക്കാരന്റെ അതിസാഹസിക യാത്ര. ഏതാണ്ട് 80 കിലോമീറ്ററോളം വേഗതയിലാണ് ട്രക്ക് കുതിച്ചുപായുന്നത്. പിന്നീട് ഇയാൾ ട്രക്കിനെ മറികടക്കാൻ ശ്രമിക്കുന്നതും വീഡിയോയിൽ കാണാം. പുറകെ എത്തിയ കാര്‍ യാത്രക്കാര്‍ ആണ് ഈ ദൃശ്യങ്ങള്‍ പകര്‍ത്തിയത്.
ഈ ദൃശ്യങ്ങൾ സോഷ്യൽ മീഡിയയിൽ വൻ ചർച്ചയായിട്ടുണ്ട്. അപകടം പിടിച്ച ഈ അതിസാഹസത്തിന് അസാമാന്യ ധൈര്യം വേണമെന്ന് ഒരു വിഭാഗം അഭിപ്രായപ്പെടുന്നു. അതേസമയം മറുവിഭാഗം ഈ സാഹസിക പ്രവൃത്തിയെ എതിർക്കുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ