കടലില്‍ സര്‍ഫിങ് നടത്തുന്നതിനിടെ വിഴുങ്ങാന്‍ വന്ന ഭീമനന്‍ സ്രാവിന്റെ വായില്‍ നിന്ന് രക്ഷപ്പെട്ടയാളുടെ വീഡിയോയാണ് സാമൂഹ്യമാധ്യമങ്ങളിലെ ഒരു ചര്‍ച്ചാ വിഷയം. കൃത്യമായി ലഭിച്ച ഡ്രോണ്‍ നിര്‍ദേശമാണ് ഇയാളുടെ ജീവന്‍ രക്ഷിച്ചത്. ഓസ്‌ട്രേലിയയിലെ ന്യൂ സൗത്ത് വേല്‍സിലാണ് സംഭവം.
തന്റെ സമീപത്തേക്കെത്തിയ സ്രാവിനെക്കുറിച്ചറിയാതെ സര്‍ഫിങ് നടത്തിയ യുവാവിന് സ്രാവ് അരികിലുണ്ടെന്ന മുന്നറിയിപ്പ് നല്‍കിയത് ക്രിസ്റ്റഫര്‍ ജോയ്‌സ് എന്ന ഡ്രോണ്‍ നിരീക്ഷകനാണ്. സ്രാവിന്റെ ദൃശ്യങ്ങള്‍ പകര്‍ത്തുന്നതിനിടയിലാണ് സര്‍ഫിങ്ങ് നടത്തുന്ന ആളുടെ നേര്‍ക്ക് ഷാര്‍ക്ക് നീങ്ങുന്നത് ശ്രദ്ധയില്‍ പെട്ടത്.
ഉടന്‍തന്നെ ഡ്രോണിന്റെ സ്പീക്കര്‍ വഴി ഇയാള്‍ക്ക് മുന്നറിയിപ്പു നല്‍കി. മുന്നറിയിപ്പ് കേട്ട സര്‍ഫര്‍ ഉടനെ തീരം ലക്ഷ്യമാക്കി നീങ്ങി. സര്‍ഫറെ ലക്ഷ്യമാക്കി വന്ന സ്രാവ് ആഴക്കടലിലേക്കും മടങ്ങി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ