ചിക്കാഗോയിലെ ഷെഡ്ഡ് അക്വേറിയം അടച്ചു കഴിഞ്ഞാൽ പിന്നെ പെൻഗ്വിന്റെ വിളയാ‌ട്ടമാണ്. അക്വോറിയത്തിലെ മറ്റു ജീവികളെ കാണാനും മറ്റുമായി പെൻഗ്വിൻ പുറത്തിറങ്ങും. ഇതിന്റെ രസകരമായ വിഡിയോകൾ എന്നും ശ്രദ്ധ നേടാറുണ്ട്. കൊറോണ പടർന്നു പിടിച്ചതോടെ അടഞ്ഞു കിടക്കുന്ന ഷെഡ് അക്വേറിയത്തിലെ പുതിയ വിഡിയോയാണ് ഇപ്പോൾ വൈറലാവുന്നത്.
ചില്ലുകൂട്ടിൽ കഴിയുന്ന സ്രാവുകളെ കാണാനായി എത്തുന്ന പെൻഗ്വിനാണ് വിഡിയോയിൽ. അക്വാറിയത്തിലെ ഏറ്റവും പ്രായംചെന്ന പെൻഗ്വിനുകളിൽ ഒന്നായ വില്ലിങ്ടണ്ണാണ് സ്രാവിനെ കാണാനെത്തിയത്. തന്റെ അടുത്തു നിൽക്കുന്ന പെൻഗ്വിനെ അത്ഭുതത്തോടെ നോക്കുന്ന സ്രാവുകളേയും വിഡിയോയിൽ കാണാം. സോഷ്യൽ മീഡിയയിൽ ഹിറ്റാവുകയാണ് ഇതിന്റെ വിഡിയോ.
ഈ വാരാന്ത്യത്തിൽ, വില്യൺടൺ സന്ദർശിച്ചത് കയാവക്, മൗയക്, ബേബി അന്നിക് എന്നിവരെയാണ്. അവർ കുട്ടി പെൻഗ്വിനെ കണ്ട് വളരെ അധികം അമ്പരന്നു. എന്ന അടിക്കുറിപ്പിലാണ് ചിക്കാഗോ അക്വാറിയം വിഡിയോ പോസ്റ്റ് ചെയ്തിരിക്കുന്നത്. ഇതിനോടകം 20 ലക്ഷത്തിൽ അധികം പേരാണ് വിഡിയോ കണ്ടത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ