അഹമ്മദാബാദ്: കുരങ്ങന്മാരുടെ ശല്യം ഒഴിവാക്കാന്‍ ഗുജറാത്തിലെ അഹമ്മദാബാദ് വിമാനത്താവളത്തിലെ ഉദ്യോഗസ്ഥര്‍ ചെയ്ത വേറിട്ട പ്രവൃത്തിയുടെ ദൃശ്യങ്ങള്‍ വൈറലാകുന്നു. കുരങ്ങന്മാരെ ഓടിക്കാന്‍ കരടിയുടെ വേഷം ധരിച്ച് പിന്നാലെ ഓടുന്ന വീഡിയോയാണ് വ്യാപകമായി പ്രചരിക്കുന്നത്.
അഹമ്മദാബാദിലെ സര്‍ദാര്‍ വല്ലഭായ് പട്ടേല്‍ വിമാനത്താവളത്തിലെ ഉദ്യോഗസ്ഥരാണ് വേറിട്ട മാര്‍ഗം സ്വീകരിച്ചത്. കുരങ്ങന്മാരുടെ ശല്യം അധികരിച്ചതോടെയാണ് ഉപായം കണ്ടെത്തിയത്. ഒരാഴ്ച മുന്‍പാണ് പരീക്ഷണം ആരംഭിച്ചതെന്ന് വിമാനത്താവള ഡയറക്ടര്‍ പറയുന്നു.
കരടിയുടെ വേഷം ധരിച്ച് ഒരു ഉദ്യോഗസ്ഥന്‍ ഓടുന്നതാണ് ദൃശ്യങ്ങളിലുളളത്. മുന്‍പില്‍ പേടിച്ച് വിരണ്ട് കുരങ്ങന്മാര്‍ ഓടുന്നതും കാണാം. ഉത്തര്‍പ്രദേശില്‍ ഒരു ഗ്രാമത്തിലും കുരങ്ങന്മാരുടെ ശല്യം ഒഴിവാക്കാന്‍ ഗ്രാമവാസികള്‍ ഈ പരീക്ഷണം നടത്തുന്നുണ്ട്. ആയിര കണക്കിന് കുരങ്ങന്മാര്‍ കൂട്ടമായി ശല്യം ചെയ്തതോടെ പൊറുതിമുട്ടിയ നാട്ടുകാര്‍ കരടിയുടെ വേഷം ധരിച്ചാണ് പേടിപ്പിച്ച് ഓടിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ