പ്രണയദിനത്തില്‍ സോഷ്യല്‍ മീഡിയയിലൂടെ വിവാഹാലോചനകള്‍ ക്ഷണിച്ചിരിക്കുകയാണ് ചിത്രകാരന്‍ ടി മുരളി. 'ഇണയെ തേടുന്നു' എന്ന ആമുഖത്തോടെയാണ് മുരളി പുനര്‍വിവാഹത്തിന് ആലോചനകള്‍ ക്ഷണിച്ച് ഫെയ്‌സ്ബുക്ക് കുറിപ്പിട്ടിരിക്കുന്നത്. വ്യത്യസ്തമായ വിവാഹാലോചന കുറിപ്പ് ഇതിനോടകം തന്നെ നിരവധിപേര്‍ ഏറ്റെടുത്തു കഴിഞ്ഞു. 'സ്വന്തം ആത്മസുഖത്തിനായും സമൂഹ്യസാംസ്‌കാരിക നവീകരണത്തിനായും ചിത്രം വരയ്ക്കുക, എഴുതുക, ചിത്ര പ്രദര്‍ശനം നടത്തുക, പുസ്തകം എഴുതി പ്രസിദ്ധീകരിക്കുക തുടങ്ങിയവ മാത്രമാണ് ഈ വിശ്രമകാല ജീവിതത്തിലെ പ്രധാന ജോലി.ബാല്യത്തില്‍ തന്നെ അമ്മയെ നഷ്ടപ്പെട്ട 5 വയസ്സും 7 വയസ്സുമുള്ള രണ്ട് കുസൃതിക്കുട്ടികളുടെ സ്‌നേഹമുള്ള അച്ഛനാണ്. (കുട്ടികള്‍ അവരുടെ അമ്മമ്മയോടൊത്ത് താമസിച്ചു പഠിക്കുന്നു. സ്‌കൂള്‍ അവധിക്ക് അച്ഛനോടൊത്തും.) ദുശ്ശീലങ്ങളില്ല. പ്രഷര്‍, പ്രമേഹം തുടങ്ങിയ അസുഖങ്ങളില്ല. സാമ്പത്തിക വിഷമങ്ങളില്ല.'- അദ്ദേഹം പോസ്റ്റില്‍ പറയുന്നു. 

മുരളിയുടെ പോസ്റ്റിന്റെ പൂര്‍ണരൂപം: 

ഇണയെ തേടുന്നു !

തമാശയല്ല... കാര്യമായിട്ടാണ്.
ജീവിതം പരസ്പ്പരം വിശ്വസിച്ച് ഏല്‍പ്പിക്കാന്‍,
ഒരു ഇണയെ വേണം... !

ജനിച്ചത് പെരിന്തല്‍മണ്ണയിലും പഠിച്ചത് മണ്ണാര്‍ക്കാടും തിരുവനന്തപുരത്തും സ്ഥിരതാമസമാക്കിയത് കണ്ണൂരുമാണ്.

സ്വന്തം ആത്മസുഖത്തിനായും സമൂഹ്യസാംസ്‌കാരിക നവീകരണത്തിനായും ചിത്രം വരയ്ക്കുക, എഴുതുക, ചിത്ര പ്രദര്‍ശനം നടത്തുക, പുസ്തകം എഴുതി പ്രസിദ്ധീകരിക്കുക തുടങ്ങിയവ മാത്രമാണ് ഈ വിശ്രമകാല ജീവിതത്തിലെ പ്രധാന ജോലി.

ബാല്യത്തില്‍ തന്നെ അമ്മയെ നഷ്ടപ്പെട്ട 5 വയസ്സും 7 വയസ്സുമുള്ള രണ്ട് കുസൃതിക്കുട്ടികളുടെ സ്‌നേഹമുള്ള അച്ഛനാണ്. (കുട്ടികള്‍ അവരുടെ അമ്മമ്മയോടൊത്ത് താമസിച്ചു പഠിക്കുന്നു. സ്‌കൂള്‍ അവധിക്ക് അച്ഛനോടൊത്തും.)

ദുശ്ശീലങ്ങളില്ല. പ്രഷര്‍, പ്രമേഹം തുടങ്ങിയ അസുഖങ്ങളില്ല. സാമ്പത്തിക വിഷമങ്ങളില്ല.

2020 ജനുവരി 4ന് 55 വയസ്സ് പ്രായം.
ജാതി : മനുഷ്യന്‍, മതം : മാനവികത

താല്‍പ്പര്യമുള്ള അനുയോജ്യരായവര്‍ നേരില്‍ ബന്ധപ്പെടുക (വ്യക്തിസ്വകാര്യത ആദരിക്കപ്പെടും) :

muralitkerala@gmail.com
Mob: 9249401004 (whatsaap)

ഏവര്‍ക്കും പ്രണയ ദിനാശംസകള്‍ !!

 ചിത്രകാരന്‍ ടി.മുരളി
14-02-2020