ടൊറോന്റോ: കാപ്‌സിക്കം മുറിക്കാന്‍ ശ്രമിക്കുമ്പോള്‍ ഉളളില്‍ ജീവനുളള തവളയെ കണ്ടെത്തിയ വാര്‍ത്ത സോഷ്യല്‍മീഡിയയില്‍ വൈറലാകുന്നു. കാപ്‌സിക്കം മുറിക്കാന്‍ ശ്രമിക്കുമ്പോള്‍ കനേഡിയന്‍ ദമ്പതികളാണ് ഈ അത്ഭുത കാഴ്ച കണ്ടത്.
കാനഡയിലെ ക്യൂബക്കിലാണ് സംഭവം.അത്താഴത്തിനായി പച്ചക്കറി അരിയുന്നതിനിടെയാണ് യാദൃച്ഛികമായി ഈ കാഴ്ച കണ്ടതെന്ന് ദമ്പതികള്‍ പറയുന്നു. കാപ്‌സിക്കം അരിയാന്‍ ശ്രമിക്കുമ്പോള്‍, ജീവനുളള തവളയെ ഇതിന് അകത്ത് കാണുകയായിരുന്നു. കാപ്‌സിക്കം മുറിക്കാന്‍ ശ്രമിക്കുമ്പോള്‍ അകത്ത് കണ്ട തവള ഗ്രീന്‍ ട്രീ തവളയാണെന്നാണ് ദമ്പതികളുടെ അവകാശവാദം. ഇക്കാര്യം ക്യൂബക്കിലെ കാര്‍ഷിക മന്ത്രാലയത്തെ അറിയിച്ചു.
ഈ ചിത്രം സോഷ്യല്‍മീഡീയയില്‍ വ്യാപകമായി പ്രചരിക്കാന്‍ തുടങ്ങിയതോടെ നിരവധി കമന്റുകളും പ്രത്യക്ഷപ്പെടുന്നുണ്ട്. ഇത്തരത്തിലുളള നിരവധി അനുഭവങ്ങളാണ് പലരും പങ്കുവെച്ചത്. ഇതിന്റെ ശാസ്ത്രീയമായ കാരണങ്ങള്‍ നിരത്തിയുളള പ്രതികരണങ്ങളും പുറത്തുവരുന്നുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ