ഒരാളെ എല്ലാക്കാലവും മണ്ടനാക്കാന്‍ പറ്റില്ല!. ഇത് വ്യക്തമാക്കുന്ന വീഡിയോയാണ് ഇപ്പോള്‍ പ്രചരിക്കുന്നത്.
മൊബൈലിന്റെ മുന്‍പില്‍ നിര്‍ത്തി തവളയെ കബളിപ്പിക്കുന്ന വീഡിയോയാണ് വ്യാപകമായി പ്രചരിക്കുന്നത്. സുശാന്ത നന്ദ ഐഎഫ്എസാണ് വീഡിയോ പങ്കുവെച്ചത്. ഉറുമ്പുകളുടെ ദൃശ്യമാണ് മൊബൈലിലൂടെ തവളയെ കാണിക്കുന്നത്. ഉറുമ്പുകളെ കാണുന്ന തവള ഇരയാണെന്ന് കരുതി ഇതിനെ ചാടി പിടിക്കാന്‍ ശ്രമിക്കുന്നു.എന്നാല്‍ ശ്രമം വിഫലമാകുന്നു.
വീഡിയോയുടെ അവസാനമാണ് രസകരമായ സംഭവം. മൊബൈല്‍ പിടിച്ചിരിക്കുന്ന വ്യക്തി തന്റെ വിരല്‍ തവളയ്ക്ക് നേരെ കാണിക്കുന്നു. തവള ചാടി വിരലില്‍ കടിക്കുന്നിടത്ത് വച്ചാണ് വീഡിയോ അവസാനിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ