പാമ്പിനെ കണ്ടാലുടൻ പേടിച്ച് പിന്നിലേക്ക് മാറുന്നവരായിരിക്കും ഭൂരിഭാഗം ആളുകളും. അങ്ങനെയാണെങ്കിൽ എണ്ണിയാലൊടുങ്ങാത്തത്ര പാമ്പുകൾ ഒന്നിച്ചെത്തിയാലോ?. ഇങ്ങനെയൊരു സംഭവത്തിന്റെ വിഡിയോയാണ് ഇപ്പോൾ പുറത്തുവന്നിരിക്കുന്നത്.
റോഡിന്റെ അരികിലേക്ക് ഇഴഞ്ഞുകയറുന്ന ഒരുകൂട്ടം പാമ്പുകളെ വിഡിയോയിൽ കാണാം. റോഡിലേക്ക് ഇഴഞ്ഞുകയറാൻ ശ്രമിക്കുന്ന ഇവയെ ഒരു മനുഷ്യൻ വെറുംകൈകൊണ്ട് പിടിച്ച് താഴെയുള്ള കാട്ടിലേക്ക് വലിച്ചെറിയുന്നതാണ് ദൃശ്യത്തിലുള്ളത്. പേടികൂടാതെ പാമ്പുകൾക്ക് ക്ഷതമേൽപ്പിക്കാതെയുമാണ് ഇയാൾ അവയെ കാട്ടിലേക്കെറിയുന്നത്.
കടുത്ത മഴയാകാം പാമ്പുകളെ ഉണങ്ങിയ പ്രതലമുള്ള റോഡിലേക്ക് കയറാൻ പ്രേരിപ്പിച്ചതെന്നാണ് നിഗമനം. ഇയാൾ പമ്പുകളെ പിടിക്കുന്നത് കാണാൻ നിരവധി ആളുകളാണ് റോഡിൽ കൂട്ടം ചേർന്നത്. സംഭവം നടന്നത് എവിടെയാണെന്നോ എപ്പോഴാണെന്നോ വ്യക്തമല്ല.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ