കോവിഡ്‌ സമയത്ത് പാട്ടുപാടിയും ഡാന്‍സ് കളിച്ചും സമൂഹമാധ്യമങ്ങളില്‍ കയ്യടി നേടിയ കേരളപൊലീസിന്റെ ഫെയ്‌സ്ബുക്ക് ഇന്‍സ്റ്റാഗ്രാം പേജുകൾ എപ്പോഴും സജീവമാണ്. അതിൽ പ്രത്യക്ഷപ്പെടുന്ന വിഡിയോകള്‍ എല്ലാം വളരെ തന്നെ വൈറലാകാറുമുണ്ട്.
പൊലീസിന്റെ പേജില്‍ പോസ്റ്റ് ചെയ്ത ഒരു 'കുഞ്ഞന്‍ സല്യൂട്ടാണ്' ഇപ്പോള്‍ വൈറല്‍. ഓറഞ്ച് ഫ്രോക്ക് ധരിച്ച് പൊലീസ് ജീപ്പിനെ വലം വെച്ച് പൊലീസ് ഉദ്യോഗസ്ഥനെ നോക്കി ഒരു കൊച്ചു മോള്‍ സല്യൂട്ട് ചെയ്യുന്നതാണ് വിഡിയോ. ഇന്‍സ്റ്റാഗ്രാം പേജില്‍ വിഡിയോ പോസ്റ്റ് ചെയ്‌തതിന് പിന്നാലെ ഒരു കമന്റും വന്നു.
'എന്റെ കുഞ്ഞാണ് നേഹക്കുട്ടി. അവള്‍ സല്യൂട്ട് ചെയ്തിരിക്കുന്നത് പൂവാര്‍ കോസ്റ്റല്‍ പൊലീസ് സ്റ്റേഷനിലെ സര്‍ക്കിള്‍ ഇന്‍സ്‌പെക്ടര്‍ ശ്രീ ബിജു സാറിനെ ആണ്'. സ്റ്റെഫിവിപിൻ എന്ന ഇൻസ്റ്റാഗ്രാം അക്കൗണ്ടിൽ നിന്നാണ് കമന്റ് ചെയ്തിരിക്കുന്നത്. 'കുഞ്ഞുമോളുടെ സ്‌നേഹാഭിവാദ്യം' എന്ന അടിക്കുറുപ്പോടെ പോസ്റ്റ് ചെയ്ത വിഡിയോ ഇപ്പോള്‍ സമൂഹമാധ്യമങ്ങളും ഏറ്റെടുത്തു കഴിഞ്ഞു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ