സമൂഹ മാധ്യമങ്ങളിൽ ബ്യൂട്ടി ഹാക്കുകളാണ് ഇപ്പോൾ നിറയുന്നത്. ഇത്തരം പൊടികൈകളിൽ ചിലത് വ്യത്യസ്തവും ഫലപ്രദവുമാണെങ്കിൽ മറ്റുപലതും തലവേദനയാകാറാണ് പതിവ്. ഇപ്പോഴിതാ പിരിയൻ മുളക് ചതച്ചത് ലിപ്ഗ്ലോസിൽ ചേർത്ത് ചുണ്ടിൽ പുരട്ടുന്ന യുവതിയുടെ വിഡിയോയാണ് സോഷ്യൽമീഡിയയിൽ വൈറലായിരിക്കുന്നത്.
ചുണ്ട് കൂടുതൽ ചുവന്ന് തിളങ്ങാൻ വേണ്ടിയുള്ള ഹാക്കാണ് യുവതി പരീക്ഷിച്ചത്. പക്ഷെ പണി കിട്ടിയെന്ന് യുവതി സമ്മതിച്ചു. ഒരിക്കലും ഇതു പരീക്ഷിക്കരുതെന്ന മുന്നറിയിപ്പോടെയാണ് വിഡിയോ പങ്കുവച്ചിരിക്കുന്നത്. 'വൈറൽ ചില്ലി ലിപ്ഗ്ലോസ്. ഇനി ഇല്ല' എന്ന അടിക്കുറിപ്പോടെ പങ്കുവച്ച വിഡിയോയിൽ ചതച്ച മുളക് ലിപ് ഗ്ലോസിനൊപ്പം ചേർത്ത് യുവതി ചുണ്ടിൽ പുരട്ടുന്നതും അൽപസമയത്തിനു ശേഷം തുടച്ചു കളയുന്നതും കാണാം.
വിഡിയോ പങ്കുവച്ചതിന് പിന്നാലെ യുവതിയെ വിമർശിച്ചും പരിഹസിച്ചുമാണ് പലരും കമന്റ് കുറിച്ചിരിക്കുന്നത്. ചിലരാകട്ടെ ഇതേ പരീക്ഷണം നടത്തി പണി കിട്ടിയ അനുഭവവും പങ്കുവച്ചിട്ടുമുണ്ട്. "എന്തിനാണ് ഇത്തരം മണ്ടത്തരങ്ങളുടെ പുറകേ പോകുന്നത്, ലിപ് ബാം നേരിട്ട് ഉപയോഗിച്ചാൽ പോരെ", എന്നാണ് ഒരാൾ കമന്റ് ബോക്സിൽ ചോദിച്ചിരിക്കുന്നത്. ട്രെൻഡിന് പിന്നാലെ പോയി വൈറലാകാനുള്ള ശ്രമമാണെന്നും ചിലർ വിമർശിച്ചു.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ