ലണ്ടന്‍: ചാംപ്യന്‍സ് ട്രോഫി ഫൈനലില്‍ പാക്കിസ്ഥാന് മികച്ച സ്‌കോര്‍. ടോസ് നേടി ബോളിങ് തെരഞ്ഞെടുത്ത ഇന്ത്യയ്‌ക്കെതിരേ പാക്കിസ്ഥാന്‍ നാല് വിക്കറ്റ് നഷ്ടത്തില്‍ 338 റണ്‍സെടുത്തു. ഫഖര്‍ സമാന്‍ 106 പന്തില്‍ നിന്ന് 114 റണ്‍സെടുത്ത് ടീമിനെ മുന്നില്‍ നിന്ന് നയിച്ചപ്പോള്‍ അസ്ഹര്‍ അലി, മുഹമ്മദ് ഹഫീസ് എന്നിവര്‍ അര്‍ധ സെഞ്ച്വറിയടിച്ച് സ്‌കോര്‍ ഉയര്‍ത്തി.

അതേസമയം, മറുപടി ബാറ്റിംഗിനിറങ്ങിയ ഇന്ത്യയ്ക്ക് മൂന്ന് ഓവറിനുള്ളില്‍ തന്നെ രണ്ട് വിക്കറ്റുകള്‍ നഷ്ടമായി. ഓപ്പണര്‍ രോഹിത് ശര്‍മയും, ക്യാപ്റ്റന്‍ വിരാട് കോഹ്ലിയുമാണ് പുറത്തായത്. 

ഇന്ത്യന്‍ ബോളിങ് നിരയില്‍ ഭുവനേശ്വര്‍ കുമാര്‍, ഹര്‍ദിക് പാണ്ഡ്യ, കേദാര്‍ ജാദവ് എന്നിവര്‍ ഓരോ വിക്കറ്റുകള്‍ നേടി.