പേര്-മറ്റാന് ഷൗലോവ്, വയസ്-മൂന്ന്, കഴിവ്-ട്രിക്ക് ഷോട്ടുകളുടെ ഉസ്താദ്
മൂന്ന് വസുകാരന്‍ മറ്റാന് ഷൗലോവിന്റെ ട്രിക്ക് ഷോട്ടുകള്‍ കണ്ട് സോഷ്യല്‍ മീഡിയ അവനൊരു പേരിട്ടു. കിംഗ് ഓഫ് ട്രിക്ക് ഷോട്ട്‌സ്. ട്രിക്ക് ഷോട്ടുകളില്‍ മുതിര്‍ന്നവര്‍ വരെ നാണിക്കുന്ന പ്രകടനം കൊണ്ട് ലോകത്തെ മൊത്തം അതിശയിപ്പിക്കുകയാണ് ഈ കുഞ്ഞു പ്രതിഭ.
ടാല്‍ ഷൗലോവ് എന്ന പേരുള്ള അങ്കിളില്‍ നിന്നും പഠിച്ചതാണ് മറ്റാന് ഈ ട്രിക്കുകളൊക്കെ. അങ്കിളിന്റെ ട്രിക്കുകള്‍ക്കൊപ്പം ആക്ഷനുകളും മറ്റാന് അനുകരിക്കുന്നു. മകനുമായി കളിച്ചുകൊണ്ടിരിക്കുന്ന സമയത്ത് അവന്‍ ഒരു പന്ത് ബാസ്‌കറ്റില്‍ അടിച്ചിട്ടതോടെയാണ് അഛന്‍ റാഫി ഷൗലേവ് മകന്റെ കഴിവ് മനസിലാക്കിയത്. പിന്നീട് ഈ ട്രിക്ക് ഷോട്ടുകളുടെ വീഡിയോ പകര്‍ത്തി സോഷ്യല്‍ മീഡിയയില്‍ ഇട്ടതോടെയാണ് മാറ്റാന്‍ താരമായത്.
ഫുട്‌ബോളില്‍ വലിയൊരു താരമാകണമെന്ന് ആഗ്രഹിക്കുന്ന മറ്റാന് ഒരു വലിയ ഹീറോയുമുണ്ട്. ക്രിസ്റ്റിയാനോ റൊണാള്‍ഡോ. വലുതാകുമ്പോള്‍ റൊണാള്‍ഡോ ആയാല്‍ മതിയെന്നാണ് കുഞ്ഞു പ്രതിഭയുടെ ആഗ്രഹം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ