കൊല്‍ക്കത്ത: ഐ ലീഗില്‍ ഒന്നാം സ്ഥാനക്കാരായിരുന്ന ഈസ്റ്റ് ബംഗാളിനെ ഗോവന്‍ ക്ലബ്ബ് ചര്‍ച്ചല്‍ ബ്രദേഴ്‌സ് തോല്‍പ്പിച്ചു. ഒന്നിനെതിരേ രണ്ട് ഗോളുകള്‍ക്കാണ് ബര്‍സാത്ത് സ്‌റ്റേഡിയത്തില്‍ ചര്‍ച്ചിലിന്റെ ജയം.
ആന്തണി വോള്‍ഫെ, അന്‍സുമാന ക്രോമ എന്നിവര്‍ ആദ്യ പകുതിയില്‍ തന്നെ ചര്‍ച്ചില്‍ ബ്രദേഴ്‌സിന് രണ്ട് ഗോളുകള്‍ നേടിക്കൊടുത്തു. രണ്ടാം പകുതിയിലാണ് കേരളാ ബ്ലാസ്റ്റേഴ്‌സ് മുന്‍ പരിശീലകന്‍ ട്രെവര്‍ മോര്‍ഗന്‍ പരിശീലിപ്പിക്കുന്ന ഇസ്റ്റ് ബംഗാളിന്റെ ഗോള്‍. തോല്‍വിയോടെ ഈസ്റ്റ് ബംഗാളിന് ലീഗിലെ ഒന്നാം സ്ഥാനം തുലാസിലായി. 13 കളികളില്‍ നിന്ന് 27 പോയിന്റുള്ള ഐസ്‌വാള്‍ എഫ്‌സിയാണ് ഇതേ കളികളില്‍ ഇത്രയും പോയിന്റുള്ള ഈസ്റ്റ് ബംഗാളിന് വെല്ലുവിളിയാവുക. 13 കളികളില്‍ നിന്ന് 15 പോയിന്റുള്ള ചര്‍ച്ചില്‍ ബ്രദേഴ്‌സ് പട്ടികയില്‍ ആറാം സ്ഥാനത്താണ്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ