അഫ്രീദിയെ പോലെ ബോള്‍ ചെയ്യാനാണ് ഞാന്‍ ശ്രമിക്കുന്നത്. ക്രിക്കറ്റിലേക്ക് മടങ്ങിയെത്തുന്ന സ്മിത്താണ് ഓള്‍ റൗണ്ടര്‍ മികവിലേക്ക് ഉയരാനുള്ള തന്റെ ലക്ഷ്യത്തെ കുറിച്ച് പറയുന്നത്.
കരീബിയന്‍ പ്രീമിയര്‍ ലീഗിലാണ് സ്മിത്ത് ഇപ്പോള്‍ കളിക്കുന്നത്. ബാര്‍ബഡോസ് ട്രൈഡെന്റ്‌സിന് വേണ്ടി കളത്തിലിറങ്ങിയ സ്മിത്ത് 44 ബോളില്‍ നിന്നും 63 റണ്‍സ് അടിച്ചെടുത്തതിന് പുറമെ 19 റണ്‍സ് മാത്രം വിട്ടുകൊടുത്ത് മൂന്ന് ഓവറില്‍ 2 വിക്കറ്റ് വീഴ്ത്തുകയും ചെയ്തു.
എന്റെ ബൗളിങ്ങില്‍ ചില മാറ്റങ്ങള്‍ ഞാന്‍ കൊണ്ടുവന്നു. ഷാഹിദ് അഫ്രീദിയുടെ ബൗളിങ് ആക്ഷനും തന്ത്രങ്ങളുമാണ് ഞാന്‍ ലക്ഷ്യം വയ്ക്കുന്നത്. ഇന്ന് അത് ഫലം കണ്ടുവെന്ന് സ്മിത്ത് പറയുന്നു. ക്രിക്കറ്റ് ലോകത്തെ മികച്ച ബാറ്റ്‌സമാന്‍ എന്ന പേരിലേക്ക് വളരുന്നതിന് മുന്‍പ്, ലെഗ് സ്പിന്നറായിട്ടായിരുന്നു സ്മിത്ത് തന്റെ കരിയര്‍ ആരംഭിച്ചത്.
ഒരു രക്ഷയുമില്ലാത്ത ലെഗ് സ്പിന്നാണ് അഫ്രീദിയുടേത്. എന്റെ ബൗളിങ് ആക്ഷന്‍ കൊണ്ട് സ്‌ട്രൈക്ക് ചെയ്യാന്‍ സാധിക്കുമെന്ന് എനിക്ക് ബോധ്യമായി. അതിനാലാണ് മാറ്റത്തിന് മുതിര്‍ന്നത്. എന്നാല്‍ കൂടുതല്‍ ബൗള്‍ ചെയ്യേണ്ടി വരില്ലാ എന്നാണ് പ്രതീക്ഷിക്കുന്നതെന്നും സ്മിത്ത് പറയുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ