പ്രളയ കെടുതിയില്‍ നിന്നും കേരളത്തെ കൈപിടിച്ചുയര്‍ത്താന്‍ ഇറ്റാലിയന്‍ ഫുട്‌ബോള്‍ ക്ലബ് റോമയും. നേരത്തെ കേരളത്തിലെ ജനങ്ങള്‍ക്കൊപ്പം ഉണ്ടെന്ന് വ്യക്തമാക്കിയ റോമ ഇപ്പോള്‍ വിവിധ വഴികളിലൂടെ പണം സമാഹരിച്ച് കേരളത്തിനായി നല്‍കാന്‍ ഒരുങ്ങുകയാണ്.
സീരി എയിലെ തങ്ങളുടെ ആദ്യ മത്സരത്തിന് ശേഷം കളിക്കാന്‍ ഇറങ്ങിയ അഞ്ച് കളിക്കാരുടെ ജേഴ്‌സി ലേലത്തിന് വെച്ച് ആ പണം കേരളത്തെ പുനര്‍നിര്‍മിക്കുന്നതിന് നല്‍കുമെന്നാണ് റോമ വ്യക്തമാക്കുന്നത്.
ബാഴ്‌സ, ലീവര്‍പൂള്‍, ആഴ്‌സണല്‍ ഉള്‍പ്പെടെയുള്ള ക്ലബുകള്‍ കേരളത്തിന് ഒപ്പമുണ്ടെന്ന് പ്രഖ്യാപിച്ച് മുന്നോട്ടു വന്നിരുന്നു. കേരളത്തിന് വേണ്ടി ചെയ്യാന്‍ സാധിക്കുന്നതെല്ലാം ചെയ്യുമെന്ന് ലിവര്‍പൂള്‍ തലവന്‍ പീറ്റര്‍ മൂറേയും വ്യക്തമാക്കി. സാമ്പത്തികമായി കേരളത്തെ സഹായിക്കാന്‍ മനസുകാണിച്ച റോമയ്ക്ക് സമൂഹമാധ്യമങ്ങളിലൂടെ നന്ദി പറയുകയാണ് ആരാധകര്‍.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ