കേരള ബ്ലാസ്‌റ്റേഴ്‌സ് കോച്ച് റെനെ മുളന്‍സ്റ്റീന്റെ രാജിക്ക് തൊട്ടുപിറകെ മോഹന്‍ ബഗാന് പരിശീലകന്‍ സഞ്‌ജോയ് സെനും രാജിവെച്ചു.മോഹന്‍ ബഗാന് ചെന്നൈ സിറ്റിയോടേറ്റ ദയനീയ പരാജയമാണ് സഞ്‌ജോയ് സെന്നിനെ രാജിയില്‍ എത്തിച്ചത്.
ഇന്ന് വിജയത്തില്‍ കുറഞ്ഞ ഒന്നും സഞ്‌ജോയ് സെന്നിന് ആശ്വാസം നല്‍കുമായിരുന്നില്ല. ഒന്നിനെതിരെ രണ്ടു ഗോളുകള്‍ക്ക് ഇന്ന് പരാജയപ്പെട്ടതോടെ മാനേജ്‌മെന്റിനെ കാത്തുനില്‍ക്കാതെ സെന്‍ രാജി പ്രഖ്യാപിക്കുകയായിരുന്നു. 7 മത്സരങ്ങളില്‍ നിന്നായി 10 പോയന്റുമാത്രമുള്ള ബഗാന് ഇപ്പോള്‍ ഐ ലീഗ് ടേബിളില്‍ വളരെ പിറകിലാണ്.
സെന്നിന്റെ പത്ര സമ്മേളനത്തിനു നേരെ മോഹന്‍ ബഗാന് ആരാധകര്‍ കല്ലെറിഞ്ഞതായും പരാതിയുണ്ട്. ചെല്‍സിക്ക് കിരീടം നേടിക്കൊടുത്ത ശേഷമാണ് മൗറീന്യോ രാജിവെച്ചത്.അതുകൊണ്ട് ഈ രാജിയൊന്നും വലിയ കാര്യമല്ല എന്നും സഞ്‌ജോയ് മാധ്യമങ്ങളോട് പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ