ഐപിഎല്‍ പതിനൊന്നാം സീസണിനായുള്ള താര ലേലം പൊടിപൊടിക്കവെ സമൂഹമാധ്യമങ്ങളില്‍ ട്രോളുകളും തകര്‍ക്കുകയാണ്. പ്രീതി സിന്റെയേക്കാള്‍ മോശമായി ടീം സെലക്ട് ചെയ്യാന്‍ ആര്‍ക്കാണ് സാധിക്കുക, അത് കോഹ് ലിക്കാണെന്നാണ് ഒരു ക്രിക്കറ്റ് പ്രേമിയുടെ പക്ഷം. 

9.4 കോടി രൂപയ്ക്കാണ് ക്രിസ് ലിന്നിനെ കൊല്‍ക്കത്ത നൈറ്റ് റൈഡേഴ്‌സ് സ്വന്തമാക്കിയത്. കരിയര്‍ മുഴുവന്‍ പരിക്കേറ്റിരിക്കാന്‍ പ്രാപ്തമായ തുകയാണ് അതെന്നാണ് ട്വിറ്ററിലുയര്‍ന്ന ഒരു പരിഹാസം. ക്രിസ് ലിന്നിന്റെ ഹെല്‍ത്ത് ഇന്‍ഷൂറന്‍സിനായി 9.60 കോടി രൂപയെന്നായിരുന്നു മറ്റൊരാളുടെ പ്രതികരണം. 

ഐപിഎല്‍ താര ലേലം മോദിയേയും വിടുന്നില്ല. താരങ്ങള്‍ക്ക് ഇത്ര ഉയര്‍ന്ന പ്രതിഫലം ലഭിക്കുന്നത് എന്തുകൊണ്ടാണ്? മോദിജിയുടെ തൊഴില്‍ വിഭാവന പദ്ധതിയുടെ ഭാഗമാണ് അതെന്നാണ് മറ്റൊരു ട്രോള്‍...