11.50 കോടി രൂപയ്ക്ക് ഉദന്കട്ടിനെ രാജസ്ഥാന്‍ റോയല്‍ സ്വന്തമാക്കിയതായിരുന്നു ഐപിഎല്‍ താര ലേലത്തിലെ രണ്ടാം ദിവസത്തിലെ ഹൈലൈറ്റ്. താര ലേലം പൊടിപൊടിക്കുമ്പോള്‍ ദക്ഷിണാഫ്രിക്കയില്‍ ഏകദിന പരമ്പരയ്ക്ക് ഒരുങ്ങുകയാണെങ്കിലും ഇന്ത്യന്‍ നായകന്‍ കോഹ് ലി പ്രതികരിക്കാതിരിക്കുന്നില്ല.
ദക്ഷിണാഫ്രിക്കയിലാണെങ്കിലും താര ലേലത്തില്‍ തന്നെയായിരുന്നിരിക്കും ഇന്ത്യന്‍ താരങ്ങളുടെ ശ്രദ്ധ. പ്രത്യേകിച്ച് കിങ് കോഹ് ലിയുടെ. ജൊഹന്നാസ്ബര്‍ഗിലെ ഹോട്ടലില്‍ നിന്നും പുറത്തേക്ക് വരുന്നതിന് ഇടയില്‍ കോഹ് ലി വിരേന്ദര്‍ സെവാഗിനെ കുറിച്ച് പ്രതികരിച്ചുവെന്നാണ് മിഡ് ഡേ റിപ്പോര്‍ട്ട് ചെയ്യുന്നത്.
വീരു പാ, പാഗല്‍ ഗോ ഗയേ ഹേ എന്ന് കോഹ് ലി പറയുന്നതായാണ് മിഡ് ഡേയുടെ വാര്‍ത്ത. കോഹ് ലി ഇങ്ങനെ പറയാനുണ്ടായ കാരണത്തെ കുറിച്ച് സ്ഥിരീകരണം ഇല്ലെങ്കിലും ഐപിഎല്‍ ലേലം തന്നെയായിരിക്കും വിഷയം എന്നാണ് സൂചന.
കിങ്‌സ് ഇലവന്‍ പഞ്ചാബിനു വേണ്ടിയുള്ള താര ലേലവുമായി തിരക്കിലായിരുന്നു സെവാഗ്. കെ.എല്‍.രാഹുലിനെ 11 കോടി രൂപയ്ക്ക് പഞ്ചാബ് സ്വന്തമാക്കിയിരുന്നു. ഇതാകാം കോഹ് ലിയുടെ പ്രതികരണത്തിന് പിന്നിലെന്നും പറയപ്പെടുന്നു. ബാംഗ്ലൂര്‍ ടീമിന്റെ ഭാഗമായിരുന്നു രാഹുല്‍ ഇതുവരെ.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ