ചെന്നൈ: പ്രായം കൂടുന്നതിനനുസരിച്ച് കളിക്കാരെ ഒഴിവാക്കുകയാണ് ക്രിക്കറ്റിലെ പതിവ്.എന്നാല്‍ പ്രായക്കൂടുതലുള്ള 'എക്‌സ്പീരിയന്‍സ്' നല്ലതുപോലെയുള്ളവരെ ഒഴിവാക്കതെ കൊണ്ടു നടക്കുന്ന ടീമാണ് നമ്മുടെ ദക്ഷിണ റെയില്‍വെയുടേത്.  45 വയസ്സ് കഴിഞ്ഞവരാണ് ടീമിലെ മുഴുവന്‍ താരങ്ങളും. പ്രധാനപ്പെട്ട കളിക്കാരന്റെ പ്രായം 59ഉം! ടീമിലേക്ക് പുതിയ ആളുകളെയൊന്നും എടുക്കുന്നുമില്ല. 

ഇവരെല്ലാവരും റെയല്‍വെ ജീവനക്കാര്‍ തന്നെയാണ്. അധികം ലീവ് ലഭിക്കാനാണ് ഇത്തരത്തിലുള്ള ടീം ഉണ്ടാക്കിയിരിക്കുന്നതെന്നാണ് ആരോപണം ഉയര്‍ന്നിരിക്കുന്നത്. നിലവില്‍ 30 ലീവുമാത്രമാണ് ജീവനക്കാര്‍ ലഭിക്കുന്നത്, ടീമംഗമാണെങ്കില്‍ പരിശീലനത്തിന്റെയും കളിയുടെയും പേരില്‍ 90 ലീവ് കിട്ടും! ക്രിക്കറ്റ് കളിയുടെ പേരില്‍ പലതരം അഴിമതികളും നടക്കുന്നുണ്ടെന്നാണ് മറ്റൊരു ആരോപണം. ഇവര്‍ നിയമങ്ങള്‍ തെറ്റിക്കുന്നതായി 2017ല്‍ റെയില്‍വെ നടത്തിയ ഓഡിറ്റിങില്‍ കണ്ടെത്തിയുന്നു. 

ഐപിഎല്‍ പോലുള്ള മത്സരങ്ങളില്‍ അമ്പയര്‍മാരായി പോകുന്നവര്‍ റെയില്‍വെ ടീമിന്റെ മത്സര സമയത്ത് കളിക്കാരായി ടീമില്‍ തിരിച്ചെത്തുമെന്നും ആരോപണമുണ്ട്.