ജയം പാകിസ്താന്റെ കയ്യില്‍ നിന്നും ഇങ്ങെടുക്കുകയായിരുന്നു ന്യൂസിലാന്‍ഡ് അബുദാബിയില്‍ നടന്ന ആദ്യ ടെസ്റ്റില്‍. പാകിസ്താനെതിരെ നാല് റണ്സ് ജയം നേടിയത് കീവീസ് താരങ്ങള്‍ തകര്‍ത്ത് ആഘോഷിക്കുകയും ചെയ്തു. ഇവരുടെ ഡ്രസിങ് റൂമിലെ ആഘോഷങ്ങളുടെ വീഡിയോയാണ് ഇപ്പോള്‍ പുറത്തു വരുന്നത്.
ഭംഗ്ര കളിച്ചാണ് കീവീസ് താരങ്ങളുടെ ആഘോഷം. പഞ്ചാബി പാട്ടിന്റെ താളത്തിനൊത്താണ്‌ രണ്ട് കീവീസ് താരങ്ങള്‍ ഭംഗ്ര കളിക്കുന്നത്. കീവീസ് താരങ്ങളുടെ ഭംഗ്രാ ആഘോഷത്തില്‍ ത്രില്ലടിച്ചിരിക്കുകയാണ് ഇന്ത്യന്‍ ക്രിക്കറ്റ് പ്രേമികള്‍.
രണ്ടാം ഇന്നിങ്‌സില്‍ 176 റണ്സ് വിജയ ലക്ഷ്യം പിന്തുടര്‍ന്ന് ഇറങ്ങിയ പാകിസ്താന്‍ 171 റണ്‍സിന് ഓള്‍ ഔട്ട് ആവുകയായിരുന്നു. 45 റണ്സ് എടുത്ത് ഷഫീക്കും, പിന്നാലെ 13 റണ്സ് എടുത്ത് ബാബര്‍ അസം റണ്‍ ഔട്ട് ആവുകയും ചെയ്തതോടെ തിരികെ കയറാന്‍ കഴിയാത്ത വിധം പാകിസ്താന്‍ തകരുകയായിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ