പുരുഷനേക്കാള്‍ പൊക്കം കുറവായിരിക്കണം സ്ത്രീകള്‍ക്ക് എന്ന പൊതു കാഴ്ചപ്പാട് ഇപ്പോഴും പിന്തുടരുന്നുണ്ട് നമുക്കിടയില്‍. ഇപ്പോഴിതാ ആ പൊക്കത്തിന്റെ പേരില്‍ സമൂഹമാധ്യമങ്ങളില്‍ ഒരു വിഭാഗത്തിന്റെ ആക്രമണം നേരിടുന്നത് ഇന്ത്യന്‍ നായകന്‍ വിരാട് കോഹ് ലിയാണ്.
ടെന്നീസ് താരം കര്‍മന്‍ കൗറിന്റെ പൊക്കമാണ് കോഹ് ലിയെ കുഴക്കിയത്. ആറടി പൊക്കക്കാരിയായ കര്‍മനൊപ്പം നിന്ന് ഫോട്ടോയ്ക്ക് പോസ് ചെയ്യുന്നതിന് ഇടയില്‍ പൊക്കം കിട്ടുന്നതിനായി ഒരു പ്ലാറ്റ്‌ഫോമിലേക്ക് കയറി നില്‍ക്കുകയായിരുന്നു കോഹ് ലി.
സംഭവം നടന്ന ഒരാഴ്ച പിന്നിട്ടപ്പോഴാണ് സംഭവം സമൂഹമാധ്യമങ്ങളുടെ കണ്ണില്‍പ്പെടുന്നത്. പെണ്ണിനേക്കാള്‍ പൊക്കം കുറവില്‍ പ്രശ്‌നം തോന്നിയ കോഹ് ലിയുടെ മനോഭാവത്തെയാണ് ഒരു കൂട്ടം പരിഹസിക്കുന്നത്. പെണ്ണിനേക്കാള്‍ പൊക്കം കുറവായാല്‍ എന്താണ് പ്രശ്‌നം എന്ന് ഒരു കൂട്ടം ചോദിക്കവെ, ഫോട്ടോയ്ക്ക് പോസ് ചെയ്യാന്‍ ഇങ്ങനെ ചെയ്തതില്‍ പ്രശ്‌നം കാണുന്നതിന് എന്തിനാണെന്നാണ് മറ്റു ചിലരുടെ ചോദ്യം.
ടിസോട്ടിന്റെ സ്‌പെഷ്യല്‍ എഡിഷന്‍ വാച്ച് പുറത്തിറക്കുന്നതിന് ഇടയിലായിരുന്നു സംഭവം. സത്‌നം സിങ്, ആദില്‍ ബേദി, ശിവാനി കടാരിയ, സചിക കുമാര്‍, ജെഹന്‍ ദാരുവാല, പിങ്കി റാമി, മനോജ് കുമാര്‍ എന്നിവരും പരിപാടിയില്‍ പങ്കെടുത്തിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ