25ാം ജന്മദിനം ആഘോഷിക്കുകയായിരുന്നു ഇന്ത്യന്‍ ഓള്‍ റൗണ്ടര്‍ ഹര്‍ദിക് പാണ്ഡ്യ ഒക്ടോബര്‍ 11ന്. ക്രിക്കറ്റ് താരങ്ങളും ആരാധകരും സമൂഹത്തിന്റെ വിവിധ മേഖലയില്‍ നിന്നുള്ളവരും ഹര്‍ദിക്കിന് ജന്മദിനാശംസയുമായി എത്തി. ജന്മദിനാശംസയ്‌ക്കൊപ്പം പാണ്ഡ്യയെ ട്രോളിയായിരുന്നു രോഹിത്തിന്റെ വരവ്. 

ഡ്രസിങ് സെന്‍സിനെയായിരുന്നു ഐപിഎല്ലിലെ പാണ്ഡ്യയുടെ നായകന്‍ ഉന്നം വെച്ചത്. നേരത്ത, സ്വര്‍ണ നിറത്തിലെ വാര്‍ഡഡ്രോബിലെ ഫോട്ടോ പാണ്ഡ്യ ട്വീറ്റ് ചെയ്തിരുന്നു. ഈ ഫോട്ടോ ഒപ്പം ചേര്‍ത്ത് ജന്മദിനാശംസ നേര്‍ന്ന രോഹിത്, നിനക്ക് നല്ലൊരു വാര്‍ഡ്ഡ്രോബ് ഡിസൈനറെ കണ്ടെത്താന്‍ സാധിക്കട്ടേയെന്നുമാണ് ട്വിറ്ററില്‍ കുറിച്ചത്. 

രോഹിത്ത് ഇപ്പോള്‍ ട്രോളിയ ഇതേ ഡ്രസ് ആരാധകര്‍ അന്നും ട്രോളിയിരുന്നു. സെപ്തംബര്‍ 13ന് ഗണേശ്വോല്‍സവം ആഘോഷിച്ചായിരുന്നു പാണ്ഡ്യ ആ വാര്‍ഡ്ഡ്രോബില്‍ പ്രത്യക്ഷപ്പെട്ടത്. ട്രഡീഷണല്‍ ഡ്രസ് എന്നായിരുന്നു പാണ്ഡ്യ ഇതിന് നല്‍കിയ വിശദീകരണം.