രാജസ്ഥാന്‍ റോയല്‍സിനെതിരായ മത്സരത്തില്‍ തോല്‍വി നേരിട്ടുവെങ്കിലും ആരാധകരെ ത്രില്ലടിപ്പിച്ച കൂട്ടത്തില്‍ ആന്ദ്രെ റസലിന്റെ ബൗണ്ടറി ലൈനിന് അരികിലെ തകര്‍പ്പന്‍ ക്യാച്ചുമുണ്ടായിരുന്നു. ചാടി ഉയര്‍ന്ന് പന്ത് കൈക്കലാക്കിയിട്ടും, ബാലന്‍സ് നഷ്ടപ്പെടുന്നില്ലെന്ന് ഉറപ്പാക്കിയായിരുന്നു റസലിന്റെ തകര്‍പ്പന്‍ ക്യാച്ച്.
രാജസ്ഥാന്‍ ഇന്നിങ്‌സിന്റെ 11ാം ഓവറിലായിരുന്നു ബെന്‍ സ്റ്റോക്കിന്റെ വിക്കറ്റ് വീഴ്ത്തിയ റസലിന്റെ ക്യാച്ച്. പീയുഷ് ചൗള എറിഞ്ഞ ഡെലിവറിയില്‍ ലോങ് ഓണിന് മുകളിലൂടെ ബൗണ്ടറി ലക്ഷ്യമാക്കിയായിരുന്നു സ്റ്റോക്കിന്റെ ഷോട്ട്. എന്നാല്‍ ബൗണ്ടറി ലൈനിന് അപ്പുറത്തേക്ക് പന്ത് കടക്കുന്നതിന് മുന്‍പ് കൃത്യ സമയത്ത് ഉയര്‍ന്ന് ചാടി റസല്‍ പന്ത് കൈക്കലാക്കി.
സൂപ്പര്‍മാന്‍ റസല്‍ എന്ന തലക്കെട്ടോടെയാണ് ഐപിഎല്‍ റസലിന്റെ ക്യാച്ചിന്റെ വീഡിയോ ആരാധകരുമായി പങ്കുവയ്ക്കുന്നത്. പക്ഷേ സ്റ്റോക്കിന്റെ തകര്‍പ്പന്‍ ക്യാച്ചിലൂടെ റസല്‍ പുറത്താക്കിയിട്ടും കൊല്‍ക്കത്തയ്ക്ക് രക്ഷയുണ്ടായില്ല. 176 റണ്‍സ് വിജയ ലക്ഷ്യം പിന്തുടര്‍ന്ന രാജസ്ഥാന്‍ യുവതാരം പരാഗിന്റെ മികവില്‍ നാല് ബോള്‍ ശേഷിക്കെ ജയം പിടിച്ചു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ