ബോട്ടില്‍ ക്യാപ് ചലഞ്ചിന്റെ ആരവമെല്ലാം സമൂഹമാധ്യമങ്ങളില്‍ നിന്നും പോയ മട്ടാണ്. അപ്പോഴാണ് ഇന്ത്യന്‍ നായകന്‍ ബോട്ടില്‍ ക്യാപ് ചലഞ്ച് ഏറ്റെടുത്ത് എത്തുന്നത്. ഇല്ലാതിരിക്കുന്നതിലും നല്ലതല്ലെ വൈകിയാണെങ്കിലും വരുന്നത് എന്ന ക്യാപ്ഷനോടെയാണ് തന്റെ ബോട്ടില്‍ക്യാപ് ചലഞ്ച് കോഹ് ലി ആരാധകരുമായി പങ്കുവയ്ക്കുന്നത്. 

കോഹ് ലിയുടെ ബോട്ടില്‍ ക്യാപ് ചലഞ്ചിന് മറ്റൊരു പ്രത്യേകത കൂടിയുണ്ട്. അതിന് മേമ്പൊടിയായി പിന്നില്‍ രവി ശാസ്ത്രിയുടെ കമന്ററി കൂടി എത്തുന്നുണ്ട്. ബാറ്റുകൊണ്ട് കുപ്പിയുടെ ക്യാപ് കോഹ് ലി തെറിപ്പിക്കുമ്പോള്‍ പിന്നില്‍ എന്തൊരു ഷോട്ടാണ് അതെന്ന് പറഞ്ഞ് ശാസ്ത്രിയുടെ കമന്ററി. 

കോഹ് ലിക്ക് മുന്‍പേ, യുവരാജ് സിങ്, ശിഖര്‍ ധവാന്‍ ഉള്‍പ്പെടെയുള്ള ഇന്ത്യന്‍ താരങ്ങള്‍ ബോട്ടില്‍ ക്യാപ് ചലഞ്ച് ഏറ്റെടുത്തിരുന്നു. സച്ചിനെ ഇടത് കൈകൊണ്ട് ബാറ്റ് ചെയ്ത് ബോട്ടില്‍ ക്യാപ് ചലഞ്ച് ഏറ്റെടുക്കാനാണ് യുവി വെല്ലുവിളിച്ചത്. പക്ഷേ ഇതുവരെ സച്ചിന്‍ ചലഞ്ച് ഏറ്റെടുത്തിട്ടില്ല.