ഇന്ത്യന്‍ മുന്‍ നായകന്‍ എംഎസ് ധോനി കശ്മീരില്‍ സൈനിക സേവനത്തിലേര്‍പ്പെട്ടിരിക്കുന്ന സമയം വീട്ടിലേക്കൊരു പുതിയ അതിഥിയെത്തി. ധോനിയുടെ ഭാര്യ സാക്ഷിയാണ് ഇക്കാര്യം ആരാധകരെ അറിയിച്ചത്. ഇന്ത്യയിലെ ആദ്യത്തേതും നിലവില്‍ ഇന്ത്യയില്‍ ഈ മോഡലിലുള്ള ഒരേയൊരു വാഹനവുമാണ് റാഞ്ചിയിലെ ധോനിയുടെ വീട്ടിലേക്കെത്തിയത്. 

റെഡ്ബീസ്റ്റിന് വീട്ടിലേക്ക് സ്വാഗതം, നിങ്ങളുടെ ടോയ് ഒടുവില്‍ ഇങ്ങെത്തിയിരിക്കുന്നു. ഈ സമയം നിന്നെ മിസ് ചെയ്യുന്നു എന്നും കുറിച്ചാണ് പുതിയ അഥിതിയെ സാക്ഷി ആരാധകര്‍ക്ക് പരിചയപ്പെടുത്തിയത്. ജീപ്പ് ഗ്രാന്‍ഡ് ചെറോകീ ട്രാക്ഹൗക് സുപ്പര്‍ചാര്‍ജ്ഡ് എസ് യുവിന്റെ ഇന്ത്യയിലെ ആദ്യ ഉടമ ആയിരിക്കുകയാണ് ധോനി. 

മണിക്കൂറില്‍ 0-100 കിലോമീറ്റര്‍ പിടിക്കാന്‍ ഇതിന് 3.62 സെക്കന്‍ഡ് മതി. 75-85 ലക്ഷം രൂപ വിലമതിക്കുന്ന എസ് യുവിയാണ് ഇത്. ഫെരാരി 599 ജിടിഒ, ഹമ്മര്‍ എച്ച്2, ജിഎംസി സിയേറ എന്നി മോഡലുകള്‍ക്ക് പുറമെയാണ് ധോനി പുതിയതൊന്നുകൂടി സ്വന്തമാക്കിയത്.