ജക്കാര്‍ത്ത: ആറ് തവണ ലോക ചാമ്പ്യയായ ഇന്ത്യയുടെ അഭിമാന താരം മേരി കോമിന് വീണ്ടും സ്വര്‍ണത്തിളക്കം. ഇന്തോനേഷ്യയില്‍ നടക്കുന്ന പ്രിസ്ഡന്റ് കപ്പ് ബോക്‌സിങ് പോരാട്ടത്തിലാണ് വെറ്ററന്‍ ഇന്ത്യന്‍ വനാതാ താരത്തിന്റെ നേട്ടം. 

51 കിലോ വിഭാഗം ഫൈനലില്‍ ഓസ്‌ട്രേലിയയുടെ ഏപ്രില്‍ ഫ്രാങ്ക്‌സിനെയാണ് മേരി പരാജയപ്പെടുത്തിയത്. 5-0ത്തിനാണ് മേരിയുടെ ആധികാരിക വിജയം. 

സെപ്റ്റംബര്‍ ഏഴ് മുതല്‍ തുടങ്ങുന്ന ബോക്‌സിങ് ലോക ചാമ്പ്യന്‍ഷിപ്പിനുള്ള തയ്യാറെടുപ്പിലാണ് മേരി. അതിന് മുന്നോടിയായി സ്വര്‍ണ നേട്ടം സ്വന്തമാക്കാന്‍ സാധിച്ചത് 36കാരിയായ താരത്തിന് ആത്മവിശ്വാസം നല്‍കുന്നതാണ്. സെപ്റ്റബര്‍ ഏഴ് മുതല്‍ 21 വരെയാണ് ലോക ചാമ്പ്യന്‍ഷിപ്പ്.