ന്യൂഡൽഹി: ഈ വർഷത്തെ ലോകകപ്പിനുള്ള ഇന്ത്യയുടെ സാധ്യതാ ടീമിനെ പ്രവചിച്ചിരിക്കുകയാണ് മുൻ താരം വിവിഎസ് ലക്ഷ്മൺ. യുവതാരം ഋഷഭ് പന്തിനെ ഒഴിവാക്കിയുടെ പ്ലേയിം​ഗ് ഇലവനിൽ ദിനേശ് കാർത്തിക്കാണ് സ്ഥാനംപിടിച്ചത്. രണ്ടാം വിക്കറ്റ് കീപ്പറായാണ് കാർത്തിക്കിനെ ലക്ഷമൺ തിരഞ്ഞെടുത്തിരിക്കുന്നത്. 

അങ്ങനെയൊന്നും പറഞ്ഞുകേട്ടിട്ടില്ലാത്ത പേസർ ഖലീൽ അഹമ്മദ്ദ് ടീമിലിടം നേടിയത് എല്ലാവരെയും ഞെട്ടിച്ചിട്ടുണ്ട്. ലോകകപ്പ് സാധ്യതാ ടീമിൽ ഖലീലിന്റെ പേര് ഇതുവരെ കേട്ടിട്ടില്ല. 

രോഹിത് ശർമ്മ, ശിഖർ ധവാൻ, വിരാട് കോഹ്ലി എന്നിവരടങ്ങിയ ടീമിൽ അമ്പാട്ടി റായിഡു, എംഎസ് ധോണി, ഹാർദിക് പാണ്ഡ്യ എന്നിവർ ഉൾപ്പെട്ടിട്ടുണ്ട്. ചഹലിനും ബുംറയ്ക്കും ഒപ്പം കേദാർ ജാദവ്, കുൽദീപ് യാദവ്, ഭുവനേശ്വർ കുമാർ, മുഹമ്മദ് ഷമി, കെഎൽ രാഹുൽ എന്നിവരാണ് ടീമിലെത്തിയ മറ്റ് താരങ്ങൾ.